Da Planet Merkur

Das Bild zum Gedicht

merkur
Zusammenfassung
92 Da Planet Merkur

Kindermund
Zum Vorlesen hier klicken!

Da Lehrer zöht die Planeten auf,
hot fi an jeden a nette Gschicht no drauf.
Dass die oan aus Gas send, die onan eher aus Sand,
es is richtig interessant ois mitanand!

Vom blauen Planeten – insra Erd
und dass bei die mehrern saukoid werd,
auf da onan Seit’n is die Sunn brennhoas –
is scho interessant, boid a so a kloas Kind des woas!

Oi Achte erkläscht er – und sog: „Es is scho schod,
dass Neine worn, wei da Pluto amoi dazukeascht hod“.
Da Jupiter is groaß, der Mond is eher kloa.
Da letzte – da Merkur is aus Eisen, rundumadum ois Stoa.

Die Kinder send mucksmeiseistad.
Nur wia da Lehrer scho gern aufhearn tad,
zoag da Franzei auf: „Herr Lehrer i woas no oan!
Nemman Merkur is da Billa – wo mia oiwei einkaffen toan!“

Beschreibungen und Ausdrücke

zöht = zählt
die oan = die einen
die onand = die anderen
erkläscht a = erklärt er
schod = schade
dazuakeascht = dazu gehört
oiwei = immer
einkaffen = einkaufen