Facebook

Das Bild zum Gedicht

Facebook
Zusammenfassung
229 Facebook 2012

Gedanken zum Börsenstart von Facebook und die ultimativ neue Geschäftsidee dazu
Zum Vorlesen hier klicken!

Gonz frira hot da Oiminga an Jodler vom Joch ochapleat
damit eam sei Diandl auf da onan Toiseiten heat.
Spater ummi homma mit’n Handy g’schaut,
dass – boid’s dringend won is – mit da Liab hihaut.

Bein Sportln zoagn wia storch mia sand,
an Testosteronspiagl auffidrahn, boid ma ebbas tand,
im Gsicht a wenk rot u’laffen, in die Augen schaugn,
Handei hebn, a Bussl oder mehr – des tat ins oi taugn!

Jetz geht ois iwas Facebook – da weascht geposted
und d‘Foto vo jeda Rauschmett’n gehosted.
Er schreib seine Freind, wia vüh Diandl das a schafft,
sie schaugg, dass si ihre Reize im Intanet vakafft.

Des Facebook is jetz an die Börse gonga,
es hot owa nit gonz so guat u’fonga!
I moa, dass oafach a neiche G’schäftsidee feit,
wei schon fast oi drinn sand, a koane neichen User geit!

Mia miassat’n die Viecha im Stoi dazua bringa
und ois neiche Benutzer ins Intanet zwinga!
Nocha kunnt die Kua posten boid‘s amoi stiascht,
oda da Fokk oder die Goas die Liebe g’spiascht!

Da Bauer miassat nit long ummaboaten,
die Viecha kunnten ihr Liebesleben genaua loaten!
Da Tierarzt war im Facebook online – Tog und Nocht!
I stöh ma vieh, dass do a jeda a guat’s G‘schäft mocht!

Nur mit’n „i like it“ tand sie die Viecha schwar,
is ja nit so lustig, wia’s bei ins Menschen war!
Es miassat sie da Viechdokta zun Computer hucken
und hoit vie Kua und Fock den Like-it-Button drucken.

I bi gonz euphorisch – i moa die Idee, die is so guat,
dass sie die gonze Woit vaändert tuat!
Vielleicht soid i decht schnoi zu da Raika laffen
und mia a poor Facebook-Aktien kaffen?

Beschreibungen und Ausdrücke

frira = früher
Oiminger = Senner auf der Alm
ochaplärrt = herunter gerufen
onan Toiseiten = andern Talseite
härt = hört
storch = stark
mia sand = wir sind
auffidrahnt = hochdrehen
boid ma = wenn wir
ebbas tand = etwas machen
u'laffen = anlaufen
iwas = über das
weascht = wird
wia vüh = wie viele
u'gfonga = angefangen
oana neichen = einer neuen
oi drinn sand = alle drinnen sind
Kua = Kuh
Fokk = Schwein
Goas = Geiß
g'spiascht = spürt
miassat = müßte
ummaboaten = herumwarten
soiwa = selber
genau loaten = genau lenken
stöh ma vieh = stelle mir vor
Viechdokta = Tierarzt
Raika = Raifeisenbank