Gsundenuntersuachung

Das Bild zum Gedicht

gesundenuntersuchung
Zusammenfassung
83 Gsundenuntersuachung

eine nicht ganz ernst gemeinte Überlegung, warum die Frauen länger leben als die Männer
Zum Vorlesen hier klicken!

Mia Mandaleit soind Feigling sei!
So steht’s danaxt a da Zeidung drei!
Wei mir ins nit zun Dokta draund
und vüd’s wenk auf insre G’sundheit schaund.

Das ma bein Auto brav auf’s Pickerl schaugn
und oi Sunndog innabeig aussasaugn,
Öl wechseln, der Motor weascht gschmiascht
hoit schaugn, das insan Auto nix passiascht.

Ois is do sicher nit gonz wohr,
owa a bissei weascht scho stimma – des is klor!
Wer mog scho gern a Spritzn gspian
oder mit der Stuiprob ummaschmiarn!

Da feschn Assistentin an worma Urin hiegebn
so was Peinlich’s mecht ma hoit nit gern dalebn.
Boid da Dokta a no zweng da Prostata ufong
und mit sein Finger hinten eichi glong

dann – liawe Leit – is leicht z’vasteh
das i do nit gern zur Gsundenuntasuachung geh!
Bei d’Weiwaleit song’s is Kinderkriagn
wo si si vor lauter Schmerzen biagn

und dadurch vü mehr Weh vadrogn,
owa neamb red davu, wia mir ins beim Mochn plogn!
Wei mir Manda nit auf ins aufpassen und die Weiberleit scho,
leben d’Weiberleit 5 Johr länger – des is statistisch so!

I glab, des is zwar rechnerisch richtig,
nur an richtigen Schluss daraus ziagn, des scheint ma wichtig!
I moa, dass oafoch an der himmlichen Formel ligg
und dass des da Petrus obn gonz onascht sigg!

I hu ma des iwalegg und so viegschöd:
I moa oafoch, das beid Weiwaleid die Zeit fie’s’Shoppen und fie’s Ratschen nit zöhd!

Beschreibungen und Ausdrücke

Mandaleit = Männer
soind = sollen
danaxt = neulich
draund = trauen, wagen
vüd's wenk = viel zu wenig
Pickerl = TÜV-Überprüfung
Sunndog = Sonntag
innabeig = innen
aussagsaugn = heraus (Staub)saugen
weascht = wird
gschmiascht = geschmiert
passiascht = passiert
ois = alles
wohr = wahr
bissei = ein bisschen
gspian = spüren
Stuiprob = Stuhlprobe
ummaschmiarn = herum schmieren
worma = warmen
zweng da = wegen der
ufong = anfängt
eichi = hinein
glong = greift, fährt
z'vasteh = zu verstehen
Weiwaleit = Frauen
sog's = sagen sie
biagn = biegen
vadrogn = er-/vertragen
owa neamb = aber niemand
beim Mochn = Kinder machen
plogn = plagen
Manda = Männer
onascht = anders
iwalegg = überlegt
viegschöd = vorgestellt
moa = glaube, meine
oafoch = einfach
zöhd = zählt