Hirschjogd

Das Bild zum Gedicht

Hirsch
Zusammenfassung
293 Hirschjogd
Gedicht März 2015

Vom Jagdfieber und vom Überschätzen der eigenen Fähigkeiten
Zum Vorlesen hier klicken!

Da Karl-Gustav und da Fritz gengand auf die Pirsch,
sie schiassat’n gean an kapitalen Hirsch.
Der is eana scho a poormoi knapp entwischt
und wieda zrugg ins Unterhoiz o’zischt.

Sie homms si’s im Hochstand gmiachtlich gmocht,
hucken schon a Bois – es weascht glei Nocht,
da sechn’s a Bewegung zwischen di Baam,
jetz monand’s er kimmb – sie glabens kaam!

Da Karl-Gustav richt’s Gewehr, er is gonz leise,
boid an daschreckat, war des jo scheisse!
Er schiab den Lauf vom Gwehr noch vorn
und briaft no amoi Fernrohr, Kimme und Korn.

Des Schussliacht kunnt gornit besser sei,
da Finga am Abzug – des Blatt steht frei:
Des Hirschfieber weascht bei Karl-Gustav oiwei schlimma
desmoi muass’s passen, do muass ois stimma!

„Der Bursche kann jetzt sein Testament machen!“ es krocht!
Der Hirsch mocht an Hupfer in die Nocht,
weck is a, da Karl-Gustav hot an Hirsch vafeit,
er is vazweifid und schaut gonz z’keit.

„Karl-Gustav, i moa der hot die k’heascht
und woas, dass zun Testament mochen weascht!
Vielleicht treff man wieda in da Stodt,
wo a beim Notar donn untaschrieben hod“.

Beschreibungen und Ausdrücke

gengand = gehen
sie schiassat'n gean = sie würden gern schießen
der is eana = der ist ihnen
zrugg = zurück
o'zischt = entwischt (abgezischt)
sie homms si's = sie haben es sich
a Bois = eine Weile
weascht glei Nocht = wird gleich nach werden
da sech'ns = da sehen sie
die Baam = den Bäumen
jetz moanand's = jetzt meinen sie
kimmb a = dass er kommt
sie glabens kaam = sie können es fast nicht glauben
boid an daschreckat = wenn er ihn erschrecken würde
war des jo scheisse = wäre das sehr schlecht
briaft = prüft
gornit bessa sein = garnicht besser sein
oiwei schlimmer = immer schlimmer
desmoi muass passen = dieses Mal muss es passen
do muas ois stimma = da muss alles stimmen
hot an Hirsch vafeit = hat den Hirsch verfehlt/nicht getroffen
vazweifid = verzweifelt
schaut gonz z'keit = schaut ganz betroffen
i moa der hot di k'heascht = ich glaube der hat die gehört
mochen weascht = machen wird
untaschrieben hod = unterschrieben hat