Jaggasn

Das Bild zum Gedicht

jaggasen
Zusammenfassung
255 Joggasen
August 2013

ein Gedicht, das wie bei Rosamunde Pilcher beginnt, dann doch authentisch endet
Zum Vorlesen hier klicken!
Die Resi is fria Witwe woon,
sie hot gonz frria ihren Mann valoon.
Nix is wia zeascht – ois is so laar
sie winschat sie, dass a no umma waar.
Zun Joggassn woits wieda amoi unta d’Leit,
hofft, dass a wenk a Ablenkung geit,
richts d’Diandlgwandl viecha, geht zum Frisär,
sie mocht sie fesch und richt si her.
Bein Hendlessen stroiht’s oana u,
frogg, ob a si a wenk dazuahucken ku,
a Kompliment, a Glasei Wei,
da Resi tunkt die Aufmerksamkeit fei!
Amoi koane Sorgen, es geht nur um sie
und er ruckt oiwei weida hi,
gonz zärtlich glong a noch da Hand,
so gengan‘s spada aussi hoam mitnand.
A scheena Abend – sie wüh nit denken,
sie mecht eam und ihr soim die Nacht heit schenken!
Die Geborgenheit – des is so fei,
so schlafft’s in seinen Armen ei.
Des schlechte Gwissen kimmb in da Fria,
wor des schon richtig – der Mann bei ia?
„Des Trauerjohr is nit vagonga – i moa des wor dumm,
mei Monn draht si sicher an Grob in um!“
Jetz woas, wos ihr so gfoin hot – es sand seine Augn!
Die stroihn so und wo die Toifei aussaschaugn!
„Kimm her, loss die no amoi liabn, des war jetzt wichtig!
Nocha draht a sie no amoi um und liegg nocha wieder richtig!
Beschreibungen und Ausdrücke

Jaggasn = Fest in St.Johann (Hl. Jakob)
fria = früh
woon = geworden
wia zeascht = wie früher
ois is so laar = alles ist leer
wieder amoi = wieder einmal
unta d'Leit = Gesellschaft suchen
geit = gibt
viacha = hervor
stroiht's oana u = wird sie angestrahlt
dazuahucken ku = dazusetzen kann
tunkt..fei =geniest
oiwei weida hi = immer weiter hin
glong = greift
spada aussi = später
hoam mitnand = zusammen nach Hause
wüh = will
eam = ihm
ihr soim = ihr selbst
kimmb = kommt
in da Friah = am Morgen
is nit vagonga = ist nicht vorbei
i moa = ich glaube
draht si = dreht sich
gfoin = gefallen
es sand = es sind
Toifei = Teufelchen
aussaschaugn = heraus schauen
no amoi liabn = noch einmal lieben
liegg nocha = liegt danach