Konformismus

Das Bild zum Gedicht

???????????????????????????????
Zusammenfassung
143 Konformismus 2009

ein nachdenkliches Gedicht und gleichzeitig mein curriculum vitae

Bild Kurt Pikl Acryl 2014
Zum Vorlesen hier klicken!

Danaxt hu is a Schafiherd’n gsegn,
es is auf oana Forststrass gwen.
Dawei i so neben da Strossn gstanden bin,
kimmb mir a komischer Vergleich an Sinn!

Eigentlich hommb nua dia Schafi voun dru a guade Sicht –
de hommb si vichigwuzzelt, dia hommb’s si’s kricht.
De sechn’d die Bleami, s’scheene Gros –
ma muas voun dru sei – des hot scho wos!

S’gonze Leben genau so toa wia oi oan
is nit oiwei gscheit – wia i hoit moan!
In da Herdn umdrahn – des muast da owa traun,
is nit oafach – wei da auf oamoi oi entgegenkemmand – und DIE u‘schaun!

Boid’st des owa feschtigdenkst nocha weascht dazu nicken,
boid oi vorbei send, kust nit nur fichi – sondern iwaroi  hi blicken:
Siggst’s Gros, die Bleami – des is des scheene an der Idee –
voun, hint, links und rechts – i moanat des is schee!

Des ku a foisch sein – des Risiko gehst ei!
Owa Du host in jedem Foi wos dazugleand, des is wieda fei!
Boids oiwei nur in da Herdn mitgeh‘st, nocha denk i mir –
donn host des  gonzes  Leben nur Ärsch voa dir!

Beschreibungen und Ausdrücke

Neulich habe ich eine Schafherde gesehen
es ist auf einer Forststraße gewesen.
Während ich so neben der Straße gestanden bin
kommt mir ein komischer Vergleich in den Sinn!

Eigentlich haben nur die Schafe, die vorne dran sind, einen guten Ausblick
die haben sich nach vorne gearbeitet, die haben es sich gerichtet.
Die sehen die Blumen, das schöne Gras -
man muss vorne dran sein - das hat schon was!

Das ganze Leben genau so zu leben wie die anderen
ist nicht immer gescheit, wie ich halt meine!
In der Herde umdrehen, das muss man sich aber trauen
ist nicht einfach, weil da auf einmal alle entgegenkommen und DICH anschauen!

Wenn Du das aber fertigdenkst, dann wirst Du dazu nicken
wenn alle vorbei sind, kannst Du nicht nur nach vorne, sondern überall hin blicken:
Siehst Gras, die Blumen - das ist das Schöne an der Idee -
vorne, hinten, links und rechts - ich glaube das ist schön!

Das kann aber auch falsch sein - das Risiko gehst Du ein!
Aber Du hast in jedem Fall etwas dazugelernt - das ist wieder fein!
Wenn Du immer nur in der Herde mitgehst, dann denke ich mir -
dann hast Du das ganze Leben nur Ärsche vor Dir!