MIA

ESM

Jeden Tog hea ma, dass MIA Ebbas retten
und die Banken-Boni a wenk auffetten,
des Goid die Griechen zuakemma lassen,
die des wieda die Banken geb’n – es is nit zun Fassen!

Owa jetz homma a ja den ESM!
Wo s’gonze Goid herkemma soid – ois koa Problem,
wo MIR dann hoifen miassn, dass wieda weascht,
wei doscht und do a Manager a wenk reascht.

MIR miassn ja jetz fest spon!
Wei des gonze Fiasko in Kärnten is klor won!
Send owa eh nur Garantien – wias hoast,
des Goid is owa sicher weck wiast woast.

Do foid ma a Gschicht ein – sie passt gonz guad
wei do die gleiche Logik zugrund’liegn tuad:
Vo da Sauna und dem Aufguss mochen
owa eigentlich is des gornit zun Lochen!

Da Bodemoaster hot si beim Aufguss nit beherrschen kenna
und muas bei da gressten Hitz oan brenna
Er wachtelt s’Stonck auffi zu de wos obn sitzen
de owa nit ausmegn und eh scho so vüh schwitzen!

Doscht und do gibbs an Protest gegen den strengen Duft,
das ma des nit tuad, owa fie mehr feit d’Luft!
Da Bodewaschl gibb a Politikaontwort, won ma so wüh:
„Boid jeda a Nosen voi nimmb, donn trifft’s koan vüh!“

Zusammenfassung

219 MIA 2012

Gedanken zu den ganzen Billionen, die durch die Gegend fliegen und warum das Chaos nicht verursachergerecht umgelegt wird

Type: politisch, sarkastisch

Beschreibungen und Ausdrücke

ebbas retten = etwas retten
a wenk = ein wenig
Goid = Geld
ESM = European Stability Mechanism
= Europäische Stabilitätsmechanismus
dass wieda weascht = wieder gut wird
doscht und da = dort und da
reascht = weint
fest spon = fest sparen
klor won = klar geworden
wias hoast = wie es kommuniziert wird
wiast woast = wie Du weißt
oan brenna = einen Furz lassen
s'Stonk = das Gestank
auffi = hinauf
ausmegn = nicht ausweichen können
doscht und da = da und dort
des nit tuad = das nicht erlaubt ist
fie mehr = für viel mehr
feit d'Luft = fehlt es an Luft
Bodewaschl = Bademeister
won ma so wüh = wenn man so will
boid = wenn
voi nimmb = voll nimmt
trifft's koan vüh = trifft es keinen viel