Motorsog

Motorsäge

Da Saglapreis is im Moment amoi recht guad,
des is da Grund, dass Sepp sein Hoiz schlogn tuad.
Da Woid lieg weit obn, die Orweit is schwaar,
gang eh nit, boid nit die Seibohn waar.

Da Jaga geht durch’n Woid, obn bei die Buachen,
da hescht a den Sepp scho saggrisch fluachen!
Er reißt bei da Motorsog ummandum,
sie mog nit starten, des blede Drumm!

„Ja Sepp, wos schimpfst denn so, wos geits?
Geht Motorsog nit, oda wo feits?“
„Sie start oafach nit, hu ois prowiascht!
Ög’wexelt, putzt und a die Zindkeschtz poliascht!

Woas ma nit z’hoifen, woast ma koan Rot?
Häd so vüh z’toan, hoamgeh war schod!“
Sie hommb ois prowiascht, hommb ummag’schissen
auf oamoi hot da Sepp des Glumpat ummigschmissen:

„Mit d’Motorsogn is wia mit d’Weiwaleit!
Brauchat’s oane auf Reserve, des wa gscheit!
Nocha hätt’st oane zun O’tauschen, boid die oa spinnt
des waa a schlauche Lösung, wia i hoid finnt!“

Zusammenfassung

274 Motorsog
Mai 2014

ein ein wenig boshafter Gedankengang
Bild Internet

Type: boshaft, witzig

Beschreibungen und Ausdrücke

Saglapreis = der Sägewerks-Preis (für Holz)
amoi recht guat = einmal recht gut
schlogn tuat = sein Holz schlägt
da Woid = der Wald
die Orweit is schwaar = die Arbeit ist schwer
gang eh nit = es würde nicht funktionieren
boid nit die Seibohn = wenn nicht die Seilbahn
waar = wäre
das Jaga = der Jäger
obn bei die Buachen = oben bei den Buchen
da heascht a = das hört er
saggrisch fluachen = heftig, laut fluchen
oda wo feits = oder an was feld es
sie start oafoch nit = sie startet einfach nicht
hu ois prowiascht = habe alles probiert
ög'wexelt = Öl gewechselt
Zindkeschtz poliascht = Zündkerze poliert
woast ma koan Rot = weißt Du keinen Rat für mich
häd so vüh z'toan = hätte so viel zu tun
hoamgeh wa schod = heimzugehen wäre schade
hommb ummg'schissen = haben herumgeschissen
auf oamoi = auf einmal
wia mit d'Weiwaleit = wie mit den Frauen
brauchat's oane auf Reserve = würdes eine auf Reserve brauchen
oane zun O'tauschen = eine zum Abtauschen
boid die oa spinnt = wenn die andere spinnt
wia i hoid finnt = wie ich halt finde