Nussen

Das Bild zum Gedicht

Nuesse
Zusammenfassung
227 Nussen 2012

von einem Witz abgeleitet
Zum Vorlesen hier klicken!

Boid die Kinda gressa weand,
is wichtig, wos ma in da Schui so leand,
des Hausaufgobenmochen ist oft a Plog,
da is ma froh, boid ma a Oma hod, die hoifn mog.

Die Cilli-Oma kimmb a poormoi in da Wochn
und hoift da Tochter a adiam bein Kochn,
foschd mit’n Postauto in da Fria um Neine
vo Kitzbichi in die Windau eine.

Da Schaffär hoift ihr gern mit ihre Krucken
und schaug, dass wo frei is fie sie zun Hucken!
Ma sicht, dass sie die Cilli iwa sei Hilfe g‘freit
und dass’s – wenn nix los is – a amoi an Ratscher geit.

Jed’s Moi wonn da Bus wieda zruck noch Kitzbichi kimmb,
sicht da Schaffär Rudi, wia die Cilli a Sackei Nussen nimmb,
legg des Sacki bei da Windschutzscheiben voun nieda,
steig aus, pfiat sie o und sogg:
„Donkschee, bis iwamorgen, da kimm i wieda!“

Liawe Cilli, Du brauchst ma koane Nussen schenken!
Du zoist ja fie die Fahrt, dru muaßt oafach denken!
Es is ja nett, i bi ja froh,
wonn i da dianstla sei ku – ich moch des owa a a so!

“Jo woast, i huck do hinten, woas nit wos i sist tat,
drum iss i so gern vo mein Lieblingsschokolad!
Du kust da gor nit viestöhn, wia guad die Toffifee sand!
Is krod schod, dass meine foischn Zähnd
fie die Nussen nimma tand“.

Beschreibungen und Ausdrücke

gressa weand= größer werden
Schui = Schule
leand = lernt
Plog = Plage
boid = wenn
a Oma hod = eine Oma hat
die hoifn mog = die helfen mag
a poormoi = ein paarmal
adiam = manchmal
foschd = fährt
in da Fria = in der Früh
um Neine = um 9 Uhr
Kitzbichi = Kitzbühel
Windau = Tal im Bezirk
Schaffär = Chauffeur
is fie si = ist für sie
zun Hucken = zum Sitzen
a amoi = auch einmal
an Ratscher = ein kleiner Tratsch
geit = gibt
jed's moi = jedes Mal
zruck = zurück
voun = vorne
pfiat sie o = sagt auf Wiedersehen
iwamorgen = übermorgen
zoist ja = bezahlst ja
i da dianstla = ich dir behilflich
sei ku = sein kann
des owa a so = das aber auch so
jo woast = ja weißt Du
wo is sist tat = was ich sonst machen soll
viestöhn = vorstellen
wia guad = wie gut
is krod schod = ist nur schade
foischn Zähnd = Zahnprotesten
fie die Nussen = für die Nüsse
nimma tand = nicht mehr ausreichen