Raumfahrt

Das Bild zum Gedicht

291 Raumfahrt
Zusammenfassung
291 Raketenstart
Gedicht Feber 2015

ein konstruktiver Vorschlag, das politische Debakel zumindest etwas zu mildern

Bild Acryl Spachtelmischtechnik Kurt Pikl
Zum Vorlesen hier klicken!

Die Ami send jo mit da NASA a wenk vaschreckt
und homm sie noch dem Space-Shuttle-Unglick guad vasteckt,
owa wei sie si mit die Russen nimma recht vastehn,
woin’s decht wieda ihre eigenen Wege gehn.

Mei, woar des mit da Orion-Raketen a Riesenfreid!
Jetz sends wieder so richtig g’scheid!
Auffi, um die Woid umma und wieda guad glond,
a poor Milliarden an Himmi g’schossen – scho oiahond!

Sie woind ja in a poor Johr wieda Menschen auffischiassen,
obwoi’s do no a wenk iab’n miassen,
is jo wichtig dass im Universum nix schief geht,
do gibbs a gonze Bois koa Z’rugg – des waa donn bled!

I mecht do nid hi, stöh ma des gonz grausig vie!
Nur Stoa, koid und wenn i gonz ehrlich bi –
koan Schweinsbroden, und stod an guad’n Bia,
des eigne Soachat trinken, do grausat mia!

Na, des waa nix fie mi, do bleib i scho herunt,
dass i amend nimma bergsteign kunnt,
oda bei an Bachei an Wassal zuaschaun,
es gang nid, an Winta an Schneemonn z’baun,

vor oim gonz weit weck, vo oi, die wos i so gean mog,
denen i nimma in die Augn schaung ku, boid i ea wos nett’s sog,
na, d’Stean schaug i mia schon liawa vo herunten u!
I woas sicha, dass i mit oana Raketenroas nix ufonga ku!

Die Ami kunnt’n ins owa scho hoifn und wos Guads fie ins toan!
Boid’s weidatat’n, tat des funktionian wia i moan:
Nid 2021 sondern 2017 feschtigwean war hoit krecht,
des waar der Vorschlag, den i mochen mecht:

Wei mir jo 2017 des nexte Moi d’Regierung wöhnt,
wa gleich, wonn danach a ondlana Tschippi Politika föhnt,
des Goid vo da Hypo is ja eh schon im Wödraum vaschwunten,
soindn’s mit auffi fliegen, vielleicht wuscht’s in da Müchstroß g’funten.

Beschreibungen und Ausdrücke

die Ami = die Amerikaner
a wenk vaschreckt = ein wenig verschreckt
auffi = hinauf
wieda guad glond = wieder gut gelandet
scho oiahond = schon allerhand
sie woind = sie wollen
a wenk iab'n miassen = ein wenig üben müssen
do gibbs ja a gonze Bois = da gibt es ja eine ganze Weile
koa Z'rugg = kein Zurück
des waa donn bled = das wäre dann dumm/kritisch
i mecht do nid hi = ich möchte da nicht hin
nur Stoa = nur Steine
koan Schweinsbroden = keinen Schweinsbraten
und stod a guadn Bia = und statt einem guten Bier
des eigene Soachat = den eigenen Urin
do grausat mia = das würde mich ekeln
das i amend = dass ich womöglich
zuaschaun = zuschauen
vor oim = vor allem
vo oi, die wos i so gean mog = von allen, die ich gerne habe
boid i ea wo nett's sog = wenn ich denen etwas nettes sage
d'Stean = die Sterne
liawa vo herunten = lieber von herunten
Raketenroas = Raketenreise
nix ufonga ku = nichts anfang kann
owa scho hoifn = aber schon helfen
wos Guads fie ins toan = etwas Gutes für uns tun
boid's weidatatn = wenn sie sie beeilen würden
wia is moan = wie ich meine
feschtigwean war hoit krecht = fertigwerden wäre halt gut
d'Regierung wöhnt = die Regierung wählen
a ondlana Tschippi = eine ausgiebige Menge
Politika föhnt = Politika fehlen würden
des Goid vo da Hype = das Geld von der Hypa (Alpe Adria)
im Wödraum = im Weltraum
vaschwunden = verschwunden
wuscht's = würde es
in da Müchstroß g'funten = in der Milchstrasse gefunden