Page 47 - cover 2012 - vorne_kombiniertN

Unfall „Ja Datti, wia schauggst den du jetz aus! Warum liggst vabunden da im Krankenhaus? Sie hommb ins u‘gruafen, mia soind glei kemma und s’Waschzoig und an Pyjama mitnemma!“ „I huck im Auto, do hear i wia mi wer iwahoin wü. Schaugg in Rückspiagl, i hu scho so a komisch Gfüh! Is a Fock, rosarot und gold - i hu gmoand i spin, dra beim Lenkradl, damit i nit in ihrer Fohrspur bin! Do hear i‘s TaTüh vo da Feiawehr, sichs hinta mia! A Polizei mit Blauliacht bei da Seitentia, a Hubschrauber geht auffi und sinkt wieda schnoi i druck aufs Gas, damit i die dicke Sau iwahoi! Da Schwitz rinnd ma ocha, des is nit schee, da fong mei Auto u auf- und nieder z‘gee! I woas ma nit z’hoiffn, reiß auf die Tia, vo dem Moment u woas i nix mehr, s’wor aus mit mia!“ „Jo Datti, do wor dei Reim groß! Sie hommb di aussaklaub unterm weissen Roß! Woast jo, du tuast an Glühwein so leicht gwon - in dein Rausch soidst nit mit‘n Weihnachtskarussel fohn!“ 45