Page 23 - Hoangascht_2013

Die Muada Mei is des Weda wieda fei, vo mir aus kunnts gonze Johr Fruahjohr sei! Do ku i bei mein Teich im Goschdn sitzen, is krod krecht worm – da muast nit schwitzen! Nur mei Liegestuih wackelt – do is wos hi, do is a Schraufen locker kammat ma boid vie! Do muas i in mein Miasiggang philosophiern ufanga: Is do der Schraufen locker, oda is die Muada aufgonga? I steh bein Billa a da Kassa u, i hu’s nit eilig, wei i nur a Kloanigkeit eikafft hu, vou mia a Mama mit an Kindawogn, und an kloan Buam, der is schiaga nit z’datrogn! Spüht mit sein iPhone, die Musi pleascht, ma gwoscht dass d’Mama narrisch weascht, da Bua klaub ois ins Waggei, wos a so ummaligg, Stoffviecha, Kaugummi, Comics - ois wos a sigg. Da Bua fong u auf d’Mama eichihaun, sie schreit mit eam, d’Leit fongan u zun Schaun, beim Buam send Schraufen logga wia bei mein Liegestuih, I owa moa, dass d’Muada s’Problem is – des is mei Gfuih! 21