Page 31 - Hoangascht_2013

Globus Da Franzei geht recht gean in d’Schui, wei er no so vüh leana wui! Erdkunde zöht zu seine Lieblingsstunden, da kunna die gonze Woid erkunden. Sicht, wia groß die Ozeane sand, wos die Eisbären auf die Eisschoin tand, Leand, dass bei ins die Bergluft is so gsund, in ondare Länder brauchens Masken vor ean Mund! Leand, wia kloa des Österreich is im Vergleich, wia orm dass ondaschdwo sand, und mia so reich, wo’s grea is und wo’s gonz wenig regnd, vo Länder mit vüh Sand, wos nia koan Schnee nit segnd. Da Franzei geht vom Schuibus a wenk z’Fuaß, wei a no a Sticki auf’n Berg auffi muaß, is voia Eifa in die Kuchi eichig'laffen: „Mama, d’Lehrerin sogg, mia soid’n an Globus kaffen!“ Zeaschd is amoi stad, nocha untabricht da Papa d’Ruah: „Des kimmb iwahaupt nit in Frag, mei liewa Bua, mia kaffen koan Klo-Bus, soggst da Lehrerin an scheen Gruaß, auf‘s Scheißheisl gehn’d, MIA no oiwa z’Fuaß!“ 29