Page 26 - Gesamt 2019
P. 26
Bienensterben
Die Schi kimma jetz an Koia stöhn
und s'Wondazoig u'ziang, boid ma aussi wöhn.
Ma siecht, wia die Vegei eifrig Nestei bauen
und wia die Bleami viewitzig aussaschauen.
Da Sepp foscht mid sein Buam an Pillersee,
zun Spaziangeh is die Runde richtig schee,
bein Strondkaffee hoin sie si a Jausen,
da Sepp muas jo a amoi auf's Heisl sausen.
Da Bua passt an Moment nid auf
und steig auf a tirmische Biene drauf!
Es tuat eam load, owa es is leida vie,
die Biene lieg am Boden und is sauwa hie!
Do geht's auf! Da Papa hoit a Red:
Wia wichtig die Imbm sind und wia's in geht,
boid ma den Lebensraum von die Bienen vanichten
und mit die Spritzmittel s'gonze Leben hi'richten.
Dass die Varroamilben die kloan Bienen fressen,
und natürlich an Einstein sei Zitat derf a nid vagessen:
"Boid die Bienen nimma send, is a mid di Menschen gor",
des waar natürlich bled, des is oin klor.
"Loss da des a Lehr sein, denk an den Bienentod!
Es gibb jetzt fie 3 Wochen koan Honig mehr auf's Brot!
Vielleicht denkst nocha no adiam dru,
wos i da vom Bienensterben beibrocht hu!"
Bein Hoamfohn is an Auto in gonz stad,
da Bua mocht an Eindruck, das a wenk nochdenken tad,
do - Zack - auf da Autoscheiben heascht ma an Tuscha
und ebbas fliag weck, ma sicht an Huscha.
26
