PISA

PISA

Auweh, jetz homma’s schwarzweiß vo da OECD:
Insre Schuira send wieder schlechta won – mei tuat des weh!
Bein Rechna, bei die Naturwissenschaften und vo oim bein Lesen
is des Ergebnis a Fiasko gwesen!

Da Lehrer ku des Ergebnis oafach nit glabn – er mecht’s jetz wissen –
er hot des Gfüh, de hommb in’s b’schissen!
Er hoit sie an Franzei – er is nit guad owa a nit schlecht,
hoit Durchschnitt – fie des Experiment krod krecht!

„Franzei – wo’s passiert bei Null Grad?“
Da Franzei druckt ummadum, woas nit wos a tat!
„Geh Franzei – des is decht nit schwar!
Do gfriaschd’s Wasser – des is woi klar!“

„Prowia ma o amoi – 100 Grad – des war mei Frog!
Denk nach, los guad auf wos i da sog!“
Dem Franzei is eh z’bled – sei Heaschzei pocht –
„Des is decht gonz oafach – des Wassa kocht!“

Da Lehrer in seina Verweiflung weascht gonz bloach,
an Franzei seine Knia send a gonz woach:
„Oamoi prowia mas no – mechts no oamoi wogen:
Franzei – wos passiascht bei 90 Grad – kust ma des vielleicht sogn?”

Durch’n Franzei geht a Ruck –
des gonze Sebstvertrauen is auf oamoi zruck!
Ma sicht direkt, wia di kloan Eigei lochen:
„Da weascht des Wasser wahrscheinlich an rechten Winki mochen!“

Zusammenfassung

215 PISA 2011

zu einem altzen - und leider immer noch sehr aktuellen Thema

Type: witzig

Beschreibungen und Ausdrücke

insre Schuira = unsere Schüler
won = geworden
vo oim = vor allem
oafach = einfach
nit glabn = nicht glauben
krod krecht = gerade richtig
ummandum = herum
decht nit schwar = doch nicht schwer
do gfriaschd's = da gefriert das
prowia ma no = probieren wir noch
los guad auf = höre gut zu
eh z'bled = zu blöd
Heaschzei = (kleines) Herz
weascht = wird
bloach = blass
woach = weich
oamoi prowia mas no = einmal probieren wir es noch
wogen = wagen
Eigei lochen = (kleinen) Augen lachen