Page 7 - Hoangascht_2013

Weihnachtsfeier Am 20. Dezember wor im Lagerhaus die Weihnachtsfeier, do hot a z’vüh g’suffen, der Herr Meier! Spad in der Nocht woit a hoamzua geh, schafft’s owa nit, ku fost nit steh. Sei Frau geht’n suachen in da Fria, da huckt a in da Bahnhofsresti bei an Bia, des gonze Schimpfen nutzt nit vüh, mit an Bsuffna is nix z‘mochen, wonn a nit wüh! Gegen Mittag homms’n in an Taxi k’huckt, der hod eam an Küwi zuachidruckt, damit a jo brav u‘gschnoit bleib und jo nit in den noien Mercedes speib. Sei Frau hot‘n zeascht amoi zusammeng'schissen, nocha homms den Herrn Meier auf’n Heiboden g’schmissen, vom Ross de Decken driwa, damit er nit dafriascht, in sein Rausch hot der Herr Meier owa eh nix g’spiascht! So schlofft a bis zum naxten Tog in da Fria, dann weckt’n Frau, er muas zu die Kia, drum is die Wöd am 21. Dezember nit untagonga! Mit’n Herrn Meier wor in sein Rausch nix u’ztafonga! 5