Page 11 - Hoangascht_2013

Onoddeln Hoia hot da Christbam nit recht tu, er fong scho Unfang Jänner zun Onoddeln u! Bis Liachtmess soid des Krippei steh, do war a greana Christbaam a no schee! Bein zuanehmaden Mond oschneiden war hoit k'recht, noch‘n Voimond umschneiden des is schlecht, boids Zoachen nit passt, is des nit guad, wei a nocha aso schnoi onoddeln tuad!. Is wia bei da Liab philosophier is so vor mi hi, wei i wegen mein scheen Christbaam a wenk traurig bi. Er hot so schee herg’schaut, hot so schee g’stroiht, die Keschzen, die Kugeln, so wia’s oi g’foit! Boidst ebban kennalernst, wos ma do nit ois tuat! Bussl geben, Blumen kaffen, ois is guad, nia koa bes Wort, oiwei wieda a Kompliment, weascht oiwa weniger, je länger das ma sie kennt. Da Oitag mit seine großen Latschen fong u durch die Beziehung z’hatsch'n, boidst do nit aufpasst, kus gonz schnoi sei, dass d’Liab onoddeln ufang – des is nit fei! Is wichtig, muast oiwei wieda amoi dru denken: Denen wost gern host, adiam Aufmerksamkeit schenken! Dass da nit wia mein dirren Christbam geht, der an Goschtn außt vie die Vegl zun Landen steht! A nett’s Wort do, a Umormung doscht, an Blumenstrauß, Du woast scho wos i moa – kennst die scho aus, Boid die Liab nit s’krechte Zoachen hod, fongs Onoddeln u, und des is scho schod! 9