Page 15 - Hoangascht_2013

Da neiche Traktor An Huwabauer sei gressta Wunsch hot sie erfühd: an Hof außt steht a – des is a Büd! Er is heit glücklich und so froh, außt steht sei neicha Fendt 400 Vario! A wenn die Leasingraten s’mehra Müchgoid fressen, derf ma die emotionale Komponente nit vagessen, da Nochbarbauer hot a so a neichs Gerät, boidst do so an Heitatraktor host, donn is des bled! Er foscht stoiz ins Logahaus zur Sackibar und mocht mit seine Freind a poor Flaschln laar, so a Investition muass g’feiert wean, do weascht g’fochsimpelt, des tuad a gean. Bein Hoamfohn is die Stimmung guat, mit Voigas schaugn wos der noie Traktor tuat! Er iwasicht die Kontrolle bei der Dorfausfohrt wo auf eam da Polizist mit’n Radar wort. „Fiaraschei, Zualossung woast eh warum?“ An Huwabauern ist des ois vüh z’dumm, „Mit siebzge durch’s Dorf – bist no gonz gscheit?“ Ma merkt glei, dass do a Theater geit! „Mit siebzge is nit gonz richtig!“ Des klorzustöhn is an Huwabauern wichtig, „I bi eascht fünfafuchtzg, des siggst im Firaschein gonz klor, bi nur nicht rasiascht und hu hoit graue Hoor! 13