Page 22 - cover_2014_blanko1_kombiniertN

Lola

Die Lisi is a guade Haut und nett,
ma woas, dass sie orme Viechal aus'n Tierheim rett.
Hund und Katzen und a an Papagei,
den hots krod k'hoid, der is gonz nei.

Hot nit damoand, dass damit Probleme geit,
wei der den gonzen Tog sei Sprichei schreit:
"I bin die Lola, geh' auf'n Strich in Wean,
kimm zu mir ins Bett, des hu is gean!"

Es dearf neamb mehr auf an Ratscha kemma,
sie traut si a neamb mehr in die Wohnung z'nemma!
In ihrm Kummer suachts bein Pfarra Trost,
weis auf den sein Rot gean lost:

"Herr Pfarrer woas soid i nua toa?
Bi mit dem Sauviech gornit gean alloa!
Es is ja zun Schama, es is ois z'spat,
tram scho, dass da Herrgott am Kreiz obn d'Augn vadraht!"

"Liawe Lisi - des scheint ma koa Problem!
Dei Lola tat i oafoch zu meine zwoa Papagei gem!
Mein Petrus und Paulus tand nur in die Biwi lesen,
send oiwei fromm und brav gewesen!"

"Die wean Dei Lola scho bekehrn
weascht sechen, es weascht schnoi bessa wean!
Du bringst den Vogl, den Rosenkranz bring i
i sich koa Problem, des bring ma hi!"

Auf d'Nocht kimmb die Lisi gonz vastoin,
da Pforra muas no an Weichbrunn hoin,
die zwoa Papagei tand brav in ihra Biwi lesen,
es is so a friedlichs Büdl g'wesen!

20