Page 49 - cover_2014_blanko1_kombiniertN

Kopfweh

„Herr Dokta, mia tuat da Kopf so weh!
Es is gor nid hoaggl, ob i lieg oder ob i steh!
Bei da Nocht, bein Tog, zu jeda Zeit,
I hoffat vo Dir, dass do a Hilfe geit!”

“Jo Sepp, tuast Zigaretten rachen, oda Pfeifen?
Du woast da Tawag tuat die Gefässe u’greifen!“
„Na in Gott’s Nom, des hu i no nia prowiascht,
zu sowas homms mi no nit vaviascht!“

„Trinkst z’vüh Schnapsei, Bier oder Wei?
Boidst an Koda host, kunnt des scho sei,
dass da Kopf wehtuat vom Gnack bis zu die Augn,
do brauch ma nocha gornimma weida schaugn!“

„Na, koa Trupfen, i ria koa Glasl u!
Saufen is ebbas, wos i s’gonze Leben nia tu hu!
Nur Wossa, adiam a moi a Muich oda an Kaffee,
an Rausch z’hom, des find i gornit schee!”

Wia schaut’s mit’n Sex aus, des war mei Frog
bist fie d’Weiwaleit a rechte Plog?
Fünf moi di Woch, oda amend no mehr?
Nocha wissat mas, do kimmb da Kopfweh her!“

„Na, mit d‘Weiwa hu i nix im Sinn!
I kunnt behaupten, dass i a männliche Jungfrau bin!
Bei da Mutta Gottes und alle Heiligen, mei Leben is rein,
mei Kopfweh muas vo oana onan Ursach sein!

Das Dokta wieg an Kopf, woas nit wos toa:
„Woast Sepp, wos da Grund is, wos i moa?“
Und flüstert eam ins Ohr, dawei a zuachiruckt:
„I moa dass da Heiligschein z’eng is, dass der Di druckt!“

47