Page 9 - Flip_2015

Elena

Mein Gott, die Zeit is schnoi vagonga!
Du host jetz mit da Schui ung'fonga!
Krod no host Dei Flaschei trunken,
und mit Deiner voien Windl g'stunken!
Du tramst vo Deina Zukunft - des her i gean!
Mechst Künstlarin oder a Doktarin wean,
Deine Tram soind wia da Drochen Aufwind kriang,
und ohne Schnur bis gonz aufi in den Himmi fliang!
Prowia ois, von dem'st glabbst, dass richtig is,
weascht Fehler mochen, des is gwies!
Fehlermochen is oas vo die wichtigen Sochen,
owa jeden Fehler soid ma nur oamoi mochen.
Trog Dein Heaschzei frei wia da Teddybär,
geh auf die Leit zua - und los d'Leit zu Dir her,
weascht enttäuscht wean - owa so is im Leben,
weascht owa a vüh scheene Gefühle geben!
Zeichna, Moin, Tonzen, Leana - wos imma die g'freit,
moch's mit oi Deiner Kroft, die Dir des Leben geit!
Vielleicht losst mi der Herrgott long gnuag leben,
donn ku i da Frau Prof. Dr. Elena a dicks Bussl geben.

8