Page 6 - 2017
P. 6
Da Schneemonn
Oi Johr gleich, mia sand's jo scho schee longsom gwed,
dass ins hoia scho wieda z'Weihnochten da Schnee o'geht!
Ois grea, die Schneekanona, die an Schnee ausspucken,
dawei die Schneepflugfohra hinta da Ofenbonk hucken.
Die Ami hommb an noien Präsidenten,
der wos so bled daherred - a jeda kennt'n,
der behaup des mit'n Klimawondel is nid so schlecht
und der den Klimavertrag a wieda o'schoffen mecht.
Mecht, dass ma no mehr ruachen
und a no Öl in da Arktis suachen,
nennt des "make America great again" -
i ku den Bledsinn scho nimma hean!
In Afrika nemma ea s'Land weck, die orma Leid,
wo's eh sist schon fast nix mehr zun Essen geid.
Mia beuten s'Lond aus, es is zun Schama
dafie kinnands donn insan Sondermull varamma.
In China miassn's jeden a Gasmasken gebn,
siest kunnten die Leit dosch gornid leben.
Owas Wirtschaftswochstum des hod "Priorität"
irgendwie kimmb ma vie, die gonze Menschheit de is bled!
Sicht denn koana, dass ma insre Kinna die Zukunft stoin
wichtig is, mia mochen an Profit an schnoin!
Von dem a poor im sinnlosen Reichtum leben
und die Orma auf da Woit davu gornix geben.
I fircht jo krod, dass mia die Woid nimma daretten,
a wonn mia dazua gonz vüh Fürsprecher hätten!
Des aufz'hoitn homma woi long scho iwasegn,
die Natur weascht ihren Weg geh, a boid ma des nid megn.
6
