Page 11 - 2017

Host ois

"Kimm gschlein di, mia miassn fohn"
Ma ku die Nervosität im Haus in direkt gwohn:
"Die Gödtasch, fie untawegs no wos zun Essen,
des Ticket, den Pass jo nid vagessen!
Host's Auto e auftankt, des Öl nochg'schaut,
i hoff, das des mit da Parkarei am Flughofen hihaut!
Host die Koffa gwogn? Sand's eh nid z'schwaar?
Woast eh, des kam toia, wos gonz bled waar!
Die Adress fie's Navi, nocha brauch ma nid long suachen,
an Plotz im Fliaga kimm ma ja scho soiwa buachen,
mei bi i froh, boid ma endlich fohn,
mia kimmb direkt vie, i tua an Bluatdruck g'wohn!
Du bist so ruhig, host koa Ongst, dass'd wos vamisst,
host ois wost brauchst, nid dass'd wos vagisst!"
Er sog: "Gib ma dei Hond, mecht, das in deine Augn eintauch,
donn hu is ois, wos i fie mei Leben brauch!"

11