Page 47 - Gesamt 2019
P. 47
Wenn da Wind die Weisen zu ins begleit,
ois stad is, nur dosch't und do a Kuaglogg leit,
is die Himmistiar an gonz kloan Spoit fie ins offen,
mia sechen ins Paradies, auf des ma oi midnond so hoffen!
Du stehst neben mir, i schau di u,
siech, der Moment hod genau des gleiche mit dir tu,
hommb oi zwoa s'Wossa in die Augen,
i ku da mid an Augenköpfler in die Soi eichischaugn.
So Momente kemmand auf oamoi, send nid oft!
Moast nix, gehst durchs Leben und gonz unverhofft
host an Reim, weast iwarroscht, du muast nix toa,
nur s'Heaschz dafie offen lossen, wia i moa.
Is wia mid da Liab - zwoa schaug'n si u,
ma woas auf oamoi, dass ma a Sticki Zukunft teilen ku
und gengand nocha midnond durchs Leben,
des is des Glick des Moments - es ku nix Scheenas geben!
47
