Page 50 - Gesamt 2019
P. 50
Abschiedsbriaf
Des Woodstock-Festival wor vor 50ig Johr,
des wor dosch't no a onare Zeit – des is gonz klor!
Insa Generation hod a wenk aufbegehr’n prowiascht,
mid longe Hoor, Sex mid da Pille, woor scho g’stiascht!
Da Hansi hod zu dera Zeit sei Lisi kennag’leand,
im Rausch da Liebe woor klor, dass sie a Paarl weand,
hod nid long dauascht, hod sie a Baby u’sogg,
do hod’s doscht nix onas geben, er hod’s ums Heiratn g’frogg!
Mitnond Heislbauen, die Schuidn hommb hibbsch druckt,
do is bei da Lisi a oida Wunsch in Fokus g’ruckt:
Studian u'fonga, sie woit a Lehrarin wean!
Mid Kinda orweiten, untarricht’n, des tata’s hoid gean!
Da Hansi wor fleissig, orweit am Bau,
hod die Polierprüfung g’mocht, er is genau,
mid da Lisi ihr‘n Traum wor a nid gonz einvastonden,
wor oiwei a Rest vo Skepsis bei eam vorhonden.
Die Kinda send aus'n Haus gonga, leben ihr eigen’s Leben,
es hod oiwei weniger Gemeinsamkeiten geben,
Stockschiassn, d’Schützen, Heimkehrer woor‘n sei Leben,
dahoam hod’s fien Hansi nimma recht vüh U’sproch geben!
A Bois homm’s no g’strieden, es hod nix brocht,
sie send nua mehr stad beim Fernseher k’huckt auf’d Nocht,
zun Vanondgeh is oi zwoa'n die Schneid o'gonga,
is jo nid oafach, a gonz a nois Leben u'zfonga!
Oamoi is D’Lisi noch da Lehrerkonferenz hoamkemma
und woit scho den direkten Weg zu ihr‘n Zimma nemma,
do kimmb ihr vie, dass irgendwos nid stimmb,
sodass an Weg zun Hansi sein Kammal nimmb.
Do ligg da Hansi, am Nochtkastl a Glasl Wossa und Tabletten,
so vüh, dass a gonze Kompanie damid g’nuag khobb hätten,
im G’sicht gonz friedlich, die Hände g’foit’n,
er hot an Abschiedsbriaf auf’n Bauch festkhoit’n.
D’Lisi reascht, moand: „Mia häd’n reden soin!“
Nimmb sie den Abschiedsbriaf, häd sie'n gean u'schaugn woin!
Mid tränenerstickta Stimm fong’s u zun Lesen,
mei, is des a traurig’s Büdd’l g’wesen!
50
