AUVA
Die Regierung hod si auf die AUVA eing’schossen,
sie miassn spoon, siest weand die Kliniken g’schlossen!
Irgendwie glab i, kriang’s des nid recht auf die Reih,
owa des is bei der Politik jo nid gonz nei!
Des Rehazentrum in Häring hüft vüh Leit,
wei’s gonz vüh Therapien fie die Patienten geit,
am Laufbandl laffen, mid d’Gummibandl ziang,
tand ois, damit’s wieder Kroft und Sichaheit kriang!
Des Essen g’sund, fria schloffen geh,
a wenk Musi losen, an wenk Koschten, des is schee,
im worma Wossa tan’s auf a Heilung hoffen,
do hat da Wost den Sepp und an Rudi troffen.
Da Wast is Maura, eam hot’s von G’risst ochag’missen,
dabei hod a si die Schuita brochen und des Kreiz varissen.
Hod schiaga nimma steh kinna, hod Therapie,
er hod des G’füh, do im worma Wossa kriangs des hie!
Da Rudi is mid’n Mountainbike an Berg oichi flogn,
sie hommb eam die Splitta aus’n Owaschenki zogn,
d’Hüft’n brochen, hod an Eisennogl drei,
hod nimma geh kinna, owa im worma Wossa is jetz fei!
Da Sepp hod bein Schwanzaufbinten nid guat g’schaut,
da hod eam d’Rosi mid die Huaf direkt zwischen die Haxen k’haut!
Mid’n Hubschrauwa hommb’sn noch St.Johann oichiflog’n,
do is ondla wos hig’wen, Bua die Stöh is betrog’n!
Fie’n Sex homms eam a Pump einbaut,
muas fleißig üben, weascht owa wieda, wias eichaschaut!
Da Dokta hofft, dass er die Orweit ois Bauer wieda schafft,
a Psychiater red mid eam, des gibb eam Kraft.
Es geht eam hundig, des Soachen brennt,
des ku si gorneamb viestöhn, der des nid kennt!
Vahebb des Haislgeh, wei’s so weh tuat,
owa do an worma Wossa, da geht’s guad!
Zusammenfassung
371 AUVA (Allgemeine Unfallversicherungs-Anstalt)
Gedicht Juni 2018
aus der aktuellen Diskussion um die enormen Einsparungen, die von der Regierung verlangt werden
Bild Internet
Type: aktuell, hinterfotzig, witzig
Beschreibungen und Ausdrücke
Die Regierung hat sich auf die AUVA eingeschossen,
sie müssen sparen, sonst werden die Kliniken geschlossen!
Irgendwie glaube ich, bekommen sie das nicht auf die Reihe,
aber das ist der Politik ja nicht ganz neu!
Das Rehazentrum in Bad Häring hilft vielen Leuten,
weil es ganz viele Therapien für die Patienten gibt,
auf dem Laufband laufen, mit dem Gummiband ziehen,
tuen alles, damit sie wieder Kraft und Sicherheit bekommen!
Das Essen gesund, früh schlafen gehen,
ein wenig Musik hören, ein wenig Kartenspielen, das ist schön,
im warmen Wasser hoffen sie auf Heilung,
da hat der Wast den Septt und den Rudi getroffen.
Das Wast ist Maurer, er ist vom Gerüst gestürzt,
dabei hat er sich die Schulter gebrochen und das Kreuz verrissen.
Hat fast nicht mehr stehen können, hat Therapie,
er hat das Gefühl, da im warmen Wasser bekommen sie das wieder hin!
Der Rudi ist mit dem Mountinbike den Berg hinunter gefallen,
sie haben ihm die Splitter aus dem Oberschenkel gezogen,
die Hüfte gebrochen, hat einen Eisennagel drinnen,
hat nicht mehr gehen können, aber im warmen Wasser ist das jetzt fein!
Der Sepp hat beim Schwanzaufbinden nicht gut geschaut,
da hat ihm die Rosi mit dem Huf direkt zwischen die Beine gestossen!
Mit dem Hubschrauber haben sie ihn nach St. Johann geflogen,
da war ordentlich was kaputt, Bua die Stelle ist kritisch!
Für den Sex haben sie im eine Pumpe eingebaut,
muss fleißig üben, wird aber wieder, so wie es aussieht!
Der Doktor hofft, dass er die Arbeit als Bauer wieder schafft,
ein Psychiater redet mit ihm, das gibt ihm Kraft.
Es geht ihm ganz schlecht, das Urinieren brennt,
das kann sich niemand vorstellen, der das nicht kennt!
Verhält das Toilettengehen, weil es so weh tut,
aber im warmen Wasser, da geht das gut!