„Herr Dokta, mia geht’s gornit guad
wei’s mi hint und voun so zwicken tuat!
Bitteschee hoifn’s ma, kennan’s ma roden,
a wenk mehr Lebensglick kunnt ma nit schoden!“

„Greif i weit ummi auf’n rechten Rond,
hu i die braune Scheisse auf da Hond!
Beig i mi noch links, is a nit guad,
wei nocha oiwei s’Göd föhn tuad!“

„Vasuach i iwan Horizont zu blicken,
g’spiari, wias unfong hint und voun zun Zwicken,
zruggschaugn gang leichter, bring owa nit vüh,
in die Zukunft schaugn, des waar mei Züh!“

„I woas nit, eigentlich sand d’Werte guad!
Fint nit z’vüh Colestarin im Bluad,
S’Gwicht passt auf a nachend, a d’Schnaufarei,
in dein Oita soid’s eigentlich genau so sei!“

„Vielleicht soidst radlfohn oder springschnurhupfen,
oder im Fittnessstudio amoi Hanteln schupfen,
Du muast die oafach intensiv und mehr bewegen!
Vielleicht waar nocha a Vabessarung zun Segen.“

„Wos bist den von Beruf, derf i des frogen?
Vielleicht kleascht des auf, kust ma des sogen?“
„I bi Politika, in Wean  im Parlament,
I moa, dass insa Problem mit’n Bewegen a jeda kennt,

mia prowian des schon aso vüh Johr, es tuad nit gelinga,
der Kriag, der ist oafoch nit zun gwinga!“
Bei ins in Tiroi waar des gonz gach erklärscht:
Es is kloor, dass d’Sau a noch 5x wiegen  nit schwara weascht!