Bodeunfoi
Da Summa wor hoia woitan hoaß,
des hot mit da Umwelt z’toa wia ma jo woas,
boidst frei host, is owa fei,
do kust zun Schwimma an Schworzsee außt sei.
An Haufen Leit di in da Sunn schwitzen
und schaugn, dass unterm Sonnenschirm dasitzen,
vom Springturm donn in See eichihupfen
und sie gegenseitig zur Gaudi eichischupfen.
Auf oamoi wachtelt ebba an Wossa in,
sie schreit um Hilfe a da Mittn drin,
da Bodewaschl start sofort,
und is a glei beim Unfoi dort!
Er ziacht des Opfa schnoi zum Strond,
es send a gach an Haufen Zuaschaua beianond,
oi send gscheit, die Aufregung is groß,
da Badewaschl leg mit da Beatmung los!
Sing “staying alive” vo die Bee Gees, so hod as g’leand,
wei’s bei dem Rythmus am besten wieda lewentig weand,
des is owa leida nid da Foi,
aus’n Mund kimmb jedesmoi nua a Wossaschwoi!
Eichiblosen, aufidrucken,
beim Mund aussa an Haufen Wossa spucken,
so gehts dahi a gonze Bois,
bei die Zuaschaua beobacht des a da Huwa Lois.
Der schaugg sie des a Boisei u,
und wei er des ois nit gonz vastehn ku,
muas a die Situation a wenk studian
und des Problem mit’n Wossaspucken analysian:
“So weascht des nix – des find i schod,
des muast onascht mochen, des waar mei Rod,
must’s ans Ufa ziachen, dass da Osch nimma im Wossa waar,
siehst saufts es zwoa no an gonzen Schworzsee laar!”
Zusammenfassung
304 Bodeunfoi
Gedicht September 2015
die Geschichte eines Badeunfalls, wie das mit der Wiederbelebung gehen kann
Foto Kurt Pikl
Type: rustikal, witzig
Beschreibungen und Ausdrücke
der Sommer war heuer wirklich heiß
das hat mit der Umwelt zu tun, wie man ja weiß
wenn Du frei hast, ist das aber fein
da kannst Du zum Schwimmen draußen am Schwarzsee sein.
Viele Leute die in der Sonne schwitzen
und schauen, dass sie unterm Sonnenschirm sitzen
vom Springturm springen sie in den See
und schupfen sich gegenseitig zum Spaß ins Wasser
Auf einmal winkt jemand im Wasser drinnen
sie schreit um Hilfe in der Mitte drinnen
der Bademeister startet sofort
und ist auch gleich am Unfallort dort
Er zieht das Opfer schnell zum Strand
es sind auch gleich jede Menge Zuschauer beisammen
alle geben ihren Senf dazu, die Aufregung ist groß
der Bademeister legt mit der Wiederbeatmung los.
Singt "Staying alive" von den Bee Gees, so hat es es gelernt
weil man bei diesem Rythmus am besten wieder lebendig wird
das ist aber leider nicht der Fall
aus dem Mund kommt jedes Mal ein Wasserschwall
Hineinblasen, draufdrücken
beim Mund wieder eine Menge Wasser spucken
so geht das eine ganze Weile
bei den Zuschauern ist auch der Huber Lois.
Der schaut sich das eine Weile an
und weil er es nicht verstehen kann
muss er die Situation ein wenig studieren
und das Problem mit dem Wasserspucken analysieren.
"So wird das nichts, das finde ich schade
das musst Du anders machen, das wäre mein Rat
Du musst sie ans Ufer ziehen, damit der Hintern nicht mehr im Wasser ist
sonst sauft ihr beide noch den ganzen Schwarzsee leer!"