„Brigitte, muast die Nachrichten losen!
Sie bringand die Hochrechnunga und die Prognosen –
guad schaugg’s aus! Die Neiwoih z’mochen wor scho wichtig,
desmoi klopf ma die Roadn aussa – owa richtig!“

„Kimm her zu mir, kimm in meine Orm,
unta meina Tuchant is schee worm.
Gfreist’d die scho, mid an „Herrn Bundeskanzler“ z’heian?
Des weascht sicha mit deine Freindina oandla feiern!”

Die gonzn Johr homms ins mit die Steian bschissen,
owa nocha weascht no schnoi insa Goid aussigschmissn!
Da Willi weascht oi Tog a poor Zentimeter gressa,
die Umfrogn weand ja wirklich oi Tog bessa!

Am Woitag miassn’s natürlich fernsehschaun!
Es gwinggan owa d’Orangen und die Blauen!
Bei die Intaviews weaschtz an Willi gonz schnoi klor,
dass da Tram vom Bundeskanzler austram’d wor!

Schee kloalaut – ma gwoschz an Willi geht’s nit guat,
toand’s Duschen, Zendputzen, Haislgeh – wos ma hoit so tuat.
Aus di Augnwinki schaugg da Willi ummi zu seiner Frau,
sie is sauer wegn seina groaße Pappalatschn – des siggst genau!

Wortlos essens no a Kloanigkeit
Es ligg wos in da Luft – ma spiad’s dass no wos geit:
„Moast weascht da Fayman zun Schloffen zu mia kemma?
Oda muas i ma mit da Nachtpfoad an Taxi nemma?“