Da Bankentrick

Waage

Fia mi keannd d’Keks und s‘guate Essen zur Weihnachtszeit,
auf’s Gwicht a wenk schaugn war owa a g‘scheit!
Da hu i glesen, dass 10 Keks sovüh Kalorien hommb,
wia a Portion Spagetti – is scho vadommb!

Hu ma iwalegg, wia ma des Problem lösen kunnten
und hu mas bei die Banken o’gschaugg und a Lösung g’funnten:
A neiche Bodezimmawoog muas her,
ohne digitale Onzeige geht gornix mehr!

Pock’s aus, mei is de schee
und siech mei oide Woog daneben steh.
Ziach mi gonz nockad aus – a jed’s Gramm zöhd
und hu mi mid die 2 Hax‘n auf die 2 Woog‘n auffig’stöhd.

So mochen’s ja die Banken a recht gean,
boid die Ratingagenturen lästig wean!
Mei Woog zoag guad 50 Kilo – i hu a guads Gfüh
do ku i so weida toa ois wia bisher, i hu noch oben wieda Spüh!

Zusammenfassung

240 Da Bankentrick 2012

Assoziationen zu den Berichten aus der aktuellen "Bankenkrise" Da werden die "Ratings" gerne so interpretiert, wie das gerade in die Situation passt.

Type: sarkastisch, witzig

Beschreibungen und Ausdrücke

fia mi = für mich
keannd = gehören
auf's Gwicht = auf das Gewicht
hommb = haben
vadommb = verflucht, verdammt
hu ma iwalegg = habe ich mir überlegt
o'gschaugg = abgeschaut
Bodezimmawoog = Badezimmerwaage
Onzeige = Anzeige
pock's aus = packe sie aus
siech mei oide = sehe meine alte
Woog = Waage
ziach mi = ziehe mich
gonz nockad = ganz nackt
zöhd = zählt
hu mi mid = habe mich mit
Haxen = Füsse
Woog'n = Waagen
auffig'stöhd = hinauf gestellt
lästig wean = lästig werden
wieda Spüh = wieder Spielraum