da easchte Schuitog
Jo Mannei, heid is fie di a großer Tog,
bei dem i gean dabei bi, zuaschaun mog,
da easchte Schuitog, du host di g’freit,
a groassa Tog fie di, den’s zun Feian geit!
I erinnat mi an die scheen Momente midanond,
boid ma Spaziangonga send, so Hond in Hond,
bein Lesen, Bledln oder bein Legospühn,
boidst bei mir bist, ku i dei Liebe fühn!
Jetz kimmb a noia Lebensabschnitt auf die zua!
Do is mia nid schiach! Du bist ja a schlaucha Bua!
So wia du dem Opa adiam die Woid erkleascht,
woaß i, dass des fie di nit schwierig weascht!
Boidst ebban brauchst zun Hausaufgobmochen,
owa a oafach amoi reden wüst , oda amoi lochn,
dei Opa mecht gleichzeitig dein Freind gean sei,
du woaßt, dem Opa sei Heaschz keascht dei!
Wenn die Mitschüler in da Klass adiam bled tan,
oder vielleicht sogor amoi gonz unmöglich san:
Dei Opa is scho woitan long auf dera Wöd,
der hod vielleicht a guade Idee, die dia vielleicht föd.
Boid da di easchtn Liab des Heaschz zabricht,
nocha is dein Opa fie di fie an Hoangascht kricht!
I kenn mi do aus, die Liab braucht gonz vüh Zeit,
daboat’s, nid hudeln, i moa des waa g’scheit!
Gonz fei waa, wenn ma ins weida so vatraun,
oiwei ehrlich zuanond send und in die Aug’n schaun,
i tua fie’s Hirnkastl dichten, i hu a siest vüh tu,
damit i no long an dein kloan Leben teilhob’n ku!
Zusammenfassung
548 da easchte Schuitog
Gedicht Monat Oktober 2025
Gedanken zum ersten Schultag meines Enkels - mit dem Geheimwort FOPA (Freund und Opa)
mit einem Edelstein-Anhänger für die Schultasche
Type: Liebesgedicht
Beschreibungen und Ausdrücke
Ja, mein Lieber, heute ist ein großer Tag,
bei dem ich gerne dabei bin, zusehen mag,
da erste Schultag, du hast dich darauf gefreut,
ein großer Tag für dich, den es zu feiern gilt!
Ich erinnere mich an die schönen Momente miteinander,
wenn wir Sparziehen gegangen sind, so Hand in Hand,
beim Lesen, Blödeln oder beim Legospielen,
wenn du bei mir bist, kann ich deine Liebe fühlen!
Jetzt kommt ein neuer Lebensabschnitt auf dich zu!
Da habe ich keine Bedenken! Du bist ja ein schlauer Bub!
So wie du dem Opa manchmal die Welt erklärst,
weiß ich, dass das für dich nicht schwierig wird!
Wenn du jemanden brauchst zum Hausaufgabe machen,
oder einfach nur reden willst, oder einmal lachen,
dein Opa möchte gleichzeitig dein Freund sein,
du weißt, dem Opa sein Herz gehört dir!
Wenn die Mitschüler in der Klasse manchmal blöd tun,
oder vielleicht sogar einmal ganz unmöglich sind:
Dein Opa ist schon so lange auf dieser Welt,
der hat vielleicht eine gute Idee, die dir vielleicht fehlt.
Wenn dir die erste Liebe das Herz zerbricht,
dann ist dein Opa für eine Aussprache bereit!
Ich kenne mich da aus, die Liebe braucht viel Zeit,
erwarte es, nicht eilen, ich glaube das wäre gescheit!
Ganz fein wäre, wenn wir uns weiter so vertrauen,
immer ehrlich zueinander sind, in die Augen schauen,
ich dichte für mein Gehirn, habe auch sonst viel gemacht,
damit ich noch lange an deinem kleinen Leben teilhaben kann!