Danaxt hu i amoi a wenk trocht
und hu fie mi a Rechnung gmoch!
Von Ergebnis mecht i Dir vazöhn
und Dir des wos aussakemma is viestöhn.

Auf da Landkosch ziach i amoi an Kroas,
nit weida wiara Tagesroas.
Send so viahunaschmilliona Leit
de wos im nähern Umkreis geit.

Nocha nimmi ia amoi d’Hoifte, i moa des is schlau,
oft hu auftoit Mann und Frau.
Von d’Fraun wieda d’Hoifte (obn und unt)
oft hu die Jahrgäng, de was i brauchen kunnt.

Oft kimmi – boid i richtig bi
so auf a hunnaschtmilliona Weiberleit hi.
Oft damma no die Schiachen draus
nocha is mei Rechnung bei 70-Milliona aus.

Bei den Haufen, de do fi mi zur Auswoi bleim
woas is eascht – des wor a Reim!
Boids an Himmi obn oan gib, der wos des ois loat
muas is Donkschee sogn, wei i hu Di leicht daboat.