Mia mecht’n gern – mit Onane mitanond
durch’s Leben geh – und Hond in Hond
die Probleme lösen, de hoit so daherkemmand
und de ins imma wieder gefangen nemmand.

Und decht geling’s nur soit’n – es is scho schwar,
war leichter wonn des vafluachte Ego an Kopf nit war!
Beweisen, das ma soiwa vü gscheider wia da onane is,
des mocht des Leben so schwierig – des is gwies!

I hu mi a wenk umgschaut und a wenk sinnierscht –
auf mein eigenes Leben g‘schaut und philosophiascht:
I moa – die Liab kunnt si am besten dann entfoit’n,
boid ma im richtigen Moment die Pappen hoit‘n!