Lukas

396 Lukas

Mia send Oma und Opa won, er is jetz do,
is ois g’sund und munta, mia sand so froh,
jetz muas da Opa amoi zun Poppei schaug’n,
saggra, warum hu auf oamoi Wossa in die Aug’n?

„A so a g’stiascht Mannei, moggst man amoi geben?
I tat’n hoid so gean streichin und sonft heben,
i pass g’wies auf, brauchst die nid grab’n,
i hu do Erfohrung, des moggst ma g’labn!

Schaug wira s’Grinsen u’fong!
Und mit sein kloan Hantei um mein Finga g’long,
bist a kloana Schlingl, des tuat mi g’frein,
do wea ma’s mitnond lustig hobn, do weascht nix fein!

Tat da gean hoifen, boidst di um wos bemühst,
Radlfohn leana, mitnond Schifohn wonnst wühst,
a kloans Bachei mit di Stoa aufstauen,
oda oafoch nur gonz stad iwa die Gipfi schauen.

Mid dir reden, wonn dei Heaschz is schwaar,
a bei an Liebeskumma fie di do sei, wonn’s krod waar,
zuaschaugn wia’st groß weascht und deine Wege gehst,
mid dir stoiz sei, wennst mit’n Zeignis vou ins stehst!“

Boid da im Leben große Schiffi entgegenkemmand
und dir die Sicht auf des Wesentliche nemmand,
loos oiwei auf dei Heaschz und loss die nia verwirren,
wos’d mit Liab mochst is guad – do kust di gor nia irren!

Bualein, jetz hu i scho hibbsch weit in die Zukunft g’schaut,
wea ma jo sechen, ob des mit die gonzen Traam hihaut,
wünschen tat is maa’s, des tat mia hoit taugen,
Herrgott saggra, jetz hu i schon wieder Wossa in d’Augen!

Zusammenfassung

396 Enkei
Gedicht Juni 2019

zur Geburt meines Enkels Lukas

Type: Liebesgedicht

Beschreibungen und Ausdrücke

Wir sind Oma und Opa geworden, er ist nun da,
ist alles gesund und munter, wir sind froh,
jetzt muss der Opa einmal zum Baby schauen,
saggara, warum habe ich auf einmal Wasser in den Augen?

"Ein so ein netter Bub, magst du ihn mir einmal geben?
Ich würde ihn so gerne streichel und sanft halten,
ich gebe sicher acht, brauchst keine Angst zu haben,
ich habe da Erfahrung, das kannst du mir glauben!

Schau wie der zum Grinsen anfängt!
Und mit seinen kleinen Händchen um meinen Finger greift,
bist ein kleiner Schlingel, das freut mich,
da werden wir es miteinander lustig haben, da wird nichts fehlen!

Würde dir gerne helfen, wenn du dich um etwas bemühst,
Radfahren lernen, miteinander Schifahren wenn du willst,
ein kleines Bächlein mit Steinen aufstauen,
oder einfach nur ganz ruhig über die Gipfel schauen.

Mit dir reden, wenn dein Herz schwer ist,
auch bei einem Liebeskummer für dich da sein, wenn das notwendig ist,
zuschauen wir du groß wirst und deine Wege gehst,
mit dir stolz sein, wenn du mit den Zeugnissen vor uns stehst!"

Wenn dir im Leben große Schiffen entgegenkommen
und dir die Sicht auf das Wesentliche nehmen,
horche auf dein Herz und lasse dich nicht verwirren,
was du mit Liebe machst ist gut - da kannst du garnicht irren.

Mein lieber Mann, jetzt habe ich ziemlich weit in die Zukunft geschaut,
werden ja sehen, ob das mit den ganzen Träumen hinhaut,
wünschen würde ich mir das, das würde mir halt gefallen,
Herrgott saggra, jetzt habe ich schon wieder Wasser in den Augen!