Frühling is – bein Tog is wieder lind,
die Luft is sauber, es waht a worma Wind,
die Vegei singand, dann‘d Nestl bauen,
sie muas si um a Mandl fie ihre kloan Vegei schauen!

Fie’n Gogl weascht die Orweit a wieda mehr,
er kraht, plustert si auf und is hinter seine Henna her.
Boid die Dianei stod die Schianzüg wieda Diandln trogn,
gfoid des ins Mandaleit gut – des trau ma leicht z’sogn!

Nit iwaroi geht’s so friedlich zua!
Do hommb die Mandaleit nix z’lochen, mei liawa Bua!
Bei die Gottesanbeterinna mog a schaugn, dass a weida kimmb,
siest weascht a g‘fressen – liest man oiwei wieder das des stimmb!

Vo da Wespenspinn hu i k‘head – dass si die Manndln u‘schleichen – gonz stad,
damit die Spinnerin, di a so bled tuad, eam nit glei gwon tat!
Boid a feschtig is, lost’d an inna stecken und haut o,
damit sie moand, er is no oiwei do!

So gibbs no vüh sonderbare Taktiken bein Kindermochen,
a poor send lustig – onara wieder gornit zun Lochen!
Bi i froh, dass insere Weiwaleit nit a so spinnand
und mir gonz fein und ohne Angst a wenk zuachilieg‘n kinnand!