Hoamatkrax

www.bauernmuseum-kitz.at

Bein Huwabauern homms a poor Kia und Henna,
so dass mit’n Müchgoid recht guad leben kenna,
sie waan eigentlich gonz z’friedn mit’n Leben,
tat’s krod an Buam ois Hoferben geben!

Hommb ois prowiascht, hädn jeden Rot u’gnumma,
sogor die Bergschuach hod a u’lossen, in sein Kumma,
an Eisprungkalender homms an Kühschrank uichipickt,
wias soweit gwen wa, hot’sn in die Kumma g’schickt.

A Dianei is won – Johanna is ihr Nomm,
mit der’s donn eh a groaße Gaudi homm,
pfiffig, schneidig und vor oin
lasst sie sie vo Unfong u  nix gfoin!

Mit Barbie-Spuin hot’s nit vüh im Sinn,
huckt liawa voun in Traktor in,
boid da Metzga kimmt, hüfts bein Valon,
sie ku a boid mit’n Heikran fohn.

Aus’n Dianei weascht a junge Frau,
krod aussa, wos wüh woas gonz genau!
Ihr Mundwerk is weitum bekannt
d’Manda homms an scheichen oi midanand!

Da Sepp hod d’Johanna kennagleand,
es schaugg so aus, dass die zwoa a Paal weand,
ma merkt, wer do s’Kommando fiascht,
heit soggat ma, si is emazipiascht!

„Sepp, Du tat’st decht so gean Bauer sei,
do war decht so a Hoamatkrax recht fei!“
„Des Hoamatl tat i scho gean megn!
Ob i mit da harben Krax zommkimm wea ma jo no segn!

Zusammenfassung

281 Hoamatkrax
Gedicht September 2014

nach einem Witz

das Bild zeigt das Bauernhausmuseum Kitzbühel, bei dem ich die Homepage betreue
www.bauernmuseum-kitz.at

Type: witzig

Beschreibungen und Ausdrücke

Hoamatkrax - weibliche Hoferbin (die das Hoamatl = Hof in der Buckekraxe hat)
homms = haben sie
a poor Kia = ein paar Kühe
Henna = Hühner
Müchgoid = Milchgeld
tat's krod = würde es nur
ois prowiascht = alle probiert
hädn jeden Rot u'gnumma = hätten jeden Rat angenommen
hod a u'lossen = hat er angezogen gelassen (soll helfen einen Buben zu bekommen)
uichipickt = aufgeklebt
wias soweit gwen is = als es soweit war
hot'sn in die Kumma g'schickt = wurde er ins Schlafzimmer geschickt
a Dianei is won = es ist ein Mädchen geworden
is ihr Nomm = ist ihr Name
eh a groaße Gaudi = eine große Freude
vo Ufong u = von Anfan an
nix gfoin = nichts gefallen
Barbie-Spuin = Barbie -Spielen
huckt liava voun = sitzt lieber vorne
da Meztga = der Metzger
hüfts bein Valon = hilft sie beim Verladen
sie ku a boid = sie kann auch bald
mit'n Heikran fahren = mit dem Heukran fahren
krod aussa =geradlinig in den Aussagen
an scheichen = Angst haben, gefürchtet sein
oi midanond = alle miteinander
a Paal weand = ein Paar werden
fiachst = führt
heit soggat ma = heute würde man sagen
tat i scho gean megn = würde ich schon gerne wollen
da harben Krax = der herben Krax (sinnbildlich Frau)
zommkimm = zurechtkommen werde
wea ma jo no segn = werden wir ja noch sehen