in Memoriam Rudi
Die Eintogsflieg’n Rudi, a stromma Bua,
is auf d’Woid kemma um 5 Uhr in da Fruah!
Um 6 woor a um sein Kindheit scho betrogen,
um 1/2 7 is er scho in ernste Leben g’flogen.
Um 8 hod a d’Susi auf oana Wiesen g’segn
und Sekunden drauf woor’s umman Rudi g’schegn:
„I hu die liab, so long i leb – in olle Ewigkeit!“
D‘Susi hod ois glabb, es woor a scheene Zeit!
Um 1/2 9 woor’s aus, des Foia o’brennt,
di hoasse Liab, da scheene Zeit, da Sex am End!
Um 1/2 10 is da Rudi scho wieda glücklich woon,
hod bei oana onan feschen Floig des wohre Glick dafohn!
Oa Stund worn’s valobt, die Hochzeit woor um 10!
Um 11 hod sei liawe Frau des easchte moi Migräne!
Um 12 woan die Kinda da, do wort die Pflicht,
um oas plogg an Rudi des eachste Moi die Gicht!
Die Kinder mochen an gonzen Tog a Gschroa,
da Rudi der lieg kronk im Bett um 1/2 2,
um 3 rast s’Heaschz, er weascht dement,
wei er sei Schatzi von Voumittog scho nimma kennt!
Obwoih a vo lauter Sexdruck koa Zeit zun Essen hod,
ramm’s hint und voun aus, es is so schod!
Um 5 gibb a auf, es mocht ois koan Sinn,
es is ja a z’spaad fie a rumänische Pflegerin!
Um 6 ligg a apathisch ausst im Gorten,
mog nimma, tuat auf die Erlösung worten,
da siecht a, wia a scheene Libelle iwa eam schweb,
Zick, Zack – frißt’s an Rudi – er hod nua oan Tog g‘lebb!
Mia derf’n guating ochtz Johr leben auf insra Ean
und miassen a mid dia gonzen Situationen fertig wean!
So a Eintogsfliag’n wia da Rudi hod nua a poor Stund,
wo er die Liab, den Sex und ois onare erledigen kunnt!
Zusammenfassung
557 in Memoriam Rudi
Gedicht Monat April 2026
eine andere Perspektive auf das Leben
inspiriert vom Kärntner Mundartdichter Wilhelm Rudnigger 1921 bis 1984
Bild Kurt Pikl
Type: nachdenklich, witzig
Beschreibungen und Ausdrücke
Die Eintagsfliege Rudi, ein strammer Bub,
ist auf die Welt gekommen um 5 Uhr in der Früh!
Um 6 war er um seine Kindheit schon betrogen,
um 1/2 7 ist er schon in das ernste Leben geflogen.
Um 8 Uhr hat er die Susi auf einer Wiese gesehen
und Sekunden darauf war es um den Rudi geschehen:
"Ich habe dich lieb, so lange ich lebe - in alle Ewigkeit!"
Die Susi hat alles geglaubt, es war eine schöne Zeit!
Um 1/2 9 Uhr war es aus, das Feuer abgebrannt,
die heiße Liebe, die schöne Zeit, der Sex am Ende!
Um 1/2 10 Uhr ist der Rudi schon wieder glücklich geworden,
hat bei einer anderen feschen Fliege das wahre Glück erfahren!
Eine Stunde waren sie verlobt, die Hochzeit war um 10!
Um 11 hat seine liebe Frau das erste Mal Migräne!
Um 12 waren die Kinder da, da wartet die Pflicht,
um 1 plagt den Rudi das erste Mal die Gicht!
Die Kinder machen den ganzen Tag ein Geschrei,
der Rudi liegt krank im Bett um 1/2 2,
um 3 rast das Herz, er wird dement,
weil er sein Schatzi vom Vormittag schon nicht mehr kennt!
Obwohl er vor lauter Sex Druck keine Zeit zum Essen hat,
räumt es ihn hinten und vorne aus, es ist so schade!
Um 5 gibt er auf, es macht alles keinen Sinn,
es ist ja auch zu spät für eine rumänische Pflegerin!
Um 6 liegt er apathisch draußen im Garten,
mag nicht mehr, wartet auf die Erlösung,
da sieht er, wie eine schöne Libelle über ihm schwebt,
Zick, Zack - frisst den Rudi - er hat nur einen Tag gelebt!
Wir dürfen gut 80 Jahre leben auf dieser Erde
und müssen auch mit den ganzen Situationen fertig werden!
So eine Eintagsfliege wie der Rudi hat nur ein paar Stunden,
wo er die Liebe, den Sex und alles andere erledigt könnte!