Midlife-Krise
Fie die meisten Mander kimmb amoi die Zeit,
wo’s iwas Leben vüh zun Denken geit!
Boid die Pension schee longsam ummalocht,
ku’s sei, dass er sie um sein Status Sorgen mocht.
Boid koa fesch Weiwaleit mehr nochischaut
und da Sex dahoam nid oiwei guad hihaut,
bein Berggeh die Knia oda d’Hüft’n spinnt,
vasuacht a vazweifid, dass a an Ausweg fint!
An Sepp hod die Midlife-Krise voi dawischt!
G’spiascht, dass sein Lebenswühn erlischt,
er muas do unbedingt wos toa,
er ligg do im Trend – wia i hoid moa!
Des easchte is, a noi’s „styling“ auf’n Kopf!
Rundummadum auffischeern und ob’n a Schopf,
a Skorpion ois Tätowierung waa nid bled
und auf’n Buggel ebbas Chinesisch wos a nid vasteht.
An 3-Togesboschd, scho a wenk grau,
an Kopf obn blond farben moand a, des waa schlau,
a z’rissne Jeans, die Pfoad kimmb aus Hawaii,
so moand a, is a beim „lifestyle“ voi dabei.
A s’Fitnesscenter geh, moand a waa vielleicht schlauch,
höfat sicher bein Sepp sein dicken Bauch,
des mocht owa nid vüh Spaß, des Hantln schupfen,
schaugg liawa, wia die feschen Diandl hupfen.
Bein Auto muass a Cabrio sei!
Is hoid leida zum Oimfoahrn nid so fei,
an Winta weascht a Warmflosch wichtig wean,
wei zwischen die Haxen wormhoben mog’s da Seppi gean.
Die Lisi denk si, des weascht si legn, des geht vorbei!
Boid die Manda ihr’n Spinna homb, des is nid nei,
schaut, dass a die Bluadrucktabletten oiwei nimmb
und das da Bluadzuggaspiagl oiwei stimmb.
„Lisi, schaug amoi her“ – er draht si wira Goggl voun Spiegl hin und her,
„Kimmb da nid a fie, dass i an griechischen Gott oiwei ähnlicher wer?“
Die Lisi schaugg auf und flüstert (z’weg’n die Kinda):
„Liawa Seppi, da Buddha wor koa Grieche – da Buddha wor a Inda!“
Zusammenfassung
425 Midlife-Krise
Gedicht September 2020
von einem, der sich selbst ein wenig überschätzt
Bild Internet
Type: witzig
Beschreibungen und Ausdrücke
Für die meisten Männer kommt einmal die Zeit,
wo es über das Leben viel zu Denken gibt!
Wenn die Pension schön langsam um die Ecke lacht,
kann es sein, dass er sich über seinen Status Sorgen macht.
Wenn keine feschen Frauen mehr nachschauen
und der Sex zu Hause nicht immer gut funktioniert,
beim Berggehen die Knie oder die Hüfte spinnt,
versucht er verzweifelt, dass er einen Ausweg findet!
Den Sepp hat die Midlife-Krise voll erwischt!
Er spürt, dass sein Lebenswillen erlischt,
er muss unbedingt etwas machen,
da liegt er im Trend, wie ich halt glaube!
Das erste ist, ein neues "styling" auf dem Kopf!
Rundherhum hinaufscheren und oben einen Schopf,
ein Skorpion als Tätowierung wäre nicht dumm
und auf dem Rücken etwas Chinesisches was er nicht versteht.
Einen Drei-Tagesbart, schon ein wenig grau,
am Kopf oben blond färben glaubt er, das wäre schlau,
eine zerrissene Jeans, das Hemd kommt aus Hawaii,
so glaubt er, ist er beim "lifestyle" voll dabei.
In's Fitnesscenter gehen, meint er wäre vielleicht schlau,
würde sicher helfen beim Sepp seinen dicken Bauch,
das macht aber nicht viele Spaß, das Hanteln schupfen,
schaut lieber, wie die feschen Mädchen hüpfen.
Beim Auto muss es ein Cabrio sein!
Ist halt leider zum auf die Alm fahren nicht so fein,
im Winter wird eine Wärmflasche wichtig werden,
weil zwischen den Beinen warm haben mag es der Seppi gerne.
Die Lisi denkt sich, das wird sich legen, das geht vorbai!
Wenn die Männer ihren Spinner haben, das ist nicht neu,
schaut, dass er die Blutdrucktablettern immer nimmbt
und dass der Blutzuckerspiegel immer stimmt.
"Lisi schau einmal her" - er dreht sich wie ein Gockel vor dem Spiegel hin und her,
"Kommt dir nicht auch voe, dass ich einem griechischen Gott immer ähnlicher werde?"
Die Lisi schaut auf und flüstert (wegen der Kinder):
"Lieber Seppi, der Buddha war keine Grieche - der Buddha war ein Inder!"