Motorsog
Durch’n Klimawondl is s’nimma so koid,
da Sturm blost oiwei wieda durch’n Woid,
fie die Baam is Weda nid so toll,
es is fost iwaroi mid’n Schodhoiz voll.
Da Karli is a fescha Bursch, er is a Weana,
geht in die Weitau und mecht bei ins wos leana,
er mog die Berg, die Natur und wos siest no geit,
eam g’foin owa vor oim die Tiroler Weiwaleit!
Bei die Manda is die Waldorweit gonz wichtig,
do kinnand’s die Kroft auslossen, des is a richtig.
Boid die Diandln donn bewundernd schaug’n,
weand no a poor Baam dazudicht, des tuat ea taug’n.
“Mid meiner Stihl MS 211 ku i mi so richtig entfoit’n!
Do pock i in oan Tog 80g Baam, bi nid zun Hoit’n!”
“Di Makita mit’n 40ga Schwert is a koa Schaas,
do kimm i leicht auf deine 80g, des is koa Spaß!”
Da Karli mecht midreden, wei a do dabei sei mog,
er kafft sie im Logahaus die beste Sog
und geht in Woid, ohne dass die oan wissen,
er kennt des scho – siest lochen’s wieda g’schissen!
5 Baam, da easchte Tog, der woor grausig!
A bei die nexten Versuche is die Ausbeute lausig,
do muas wos mit da Motorsog nid passen!
Er muas si den Verkäufer no oamoi fassen!
Da Werkstottmoasta vom Logahaus,
kennt si im eascht’n Moment amoi gornid aus!
Die Zündkeschz, die Keddensponnung – ois is guad,
bis a zur Sicherheit an neuen Benzin eichituat.
“I vasteh nid, warum ma do nid mehra schafft,
du host da jo e die beste Motorsog bei ins kafft!”
“Heast Oida, i gibb mei Letzt’s – des kust ma glabn,
owa des is a Glump, des Urteil mecht i ma dalabn!”
Da Moasta legg an Startaschoita um und ziacht bein Seil,
da Motor heult auf: “Passt ois oder? is des nid geil?”
Da Karli hebb die Oahn zu, vasteht die Welt nimma mehr:
“Owa heast! Wo kimmt den do auf oamei die Metten her?”
Zusammenfassung
418 Motorsog
Gedicht Mai 2020
Viele sehnen sich ja, aus der urbanen Welt in unser Paradies zu übersiedeln - von einem, der seine Lektion hart lernen muss
Bild Internet
Type: witzig
Beschreibungen und Ausdrücke
Durch den Klimawandel ist es nicht mehr so kalt,
der Sturm bläst immer wieder durch den Wald,
für die Bäume ist das Wetter nicht so toll,
es ist fast überall mit dem Schadholz voll.
Der Karli ist ein fescher Bursch, er ist aus Wien,
geht in die Weitau (Landwirtschaftsschule) und möchte bei uns etwas lernen,
er mag die Berger, die Natur und was es sonst noch gibt,
im gefallen aber vor allem die Tiroler Mädchen!
Bei den Burschen ist die Waldarbeit ganz wichtit,
da können sie die Kraft auslassen, das ist auch richtig.
Wenn die Mädchen dann bewundernd schauen,
werden noch ein paar Bäume dazugedichtet, das gefällt ihnen.
"Mit meiner Stihl MS 211 kann ich mich so richtig entfalten!
Das schaffe ich in einem Tag 80 Bäume, bin nicht zum Halten!"
"Die Makita mit dem 40iger Schwert ist auch nicht zu verachten,
da komme ich leicht auf deine 80ig, das ist kein Spaß!"
Der Karli möchte mitreden, weil er da dabei sein mag,
er kauft sich im Lagerhaus die beste Säge
und geht in den Wald, ohne dass es die anderen wissen,
er kennst das schon - sonst lachen sie wieder so geschissen!
5 Bäume, der erste Tag, der war grausig!
Auch bei den nächsten Versuchen ist die Ausbeute lausig,
da muss etwas mit der Motorsäge nicht passen!
Er muss sich den Verkäufer noch einmal vornehmen!
Der Werkstättenmeister vom Lagerhaus,
kennt sich im ersten Moment einmal garnich aus!
Die Zündkerze, die Kettenspannung - alles ist gut,
bis er zur Sicherheit einen neuen Benzin hineingibt.
"Ich verstehe nicht, warum du da nicht mehr schaffst,
du hast da ja eh die bester Motorsäge bei uns gekauft!"
"Heast Oida, ich gebe mein Letztes - das kannst du mir glauben,
aber das ist ein Glump, das Urteil möchte ich mir erlauben!"
Der Meister legt den Startschalter um und zieht am Seil,
der Motor heult auf: "Passt alles oder? ist das nicht geil?"
Der Karli hält die Ohren zu, versteht die Welt nicht mehr:
"Owa heast! Wo kommt den da auf einmal der Lärm her?"