nid zun Vasteh
„Opa, wos is des im Internet fir a Viech mit so vü Hoor?
Es steht auf so was Weißn – is des putzig! Gonz oandla wohr!“
„Des is a Eisbär, der wos auf’n Eis steht, des gibs heit nimma,
frira wor der ois Knuddelnviech fast in jeden Kinderzimmer!“
„Wos ist denn des auf dem Foto fira lustiga Bam!
Mit lauter Nadeln – an Stomm siggst kam!“
„Jo Bua, des is a Tonnabam oda vielleicht a Feichtn,
auf dem gonz vüh scheene Christbamkugeln leichtn!“
„Na Opa, schaugg! Wos dia auf dem YouTube-Video tan’d!
Komisch u’zochen, dawei‘s auf’n weissen Batz außt sand!“
„Jo Bua, Schifoahrn, des woor a Gaudi im weißen Schnee!
Die Landschaft hot glitzert und ois hot glanzt schee!“
„Opa, wos dann’d die gonzen Leit do in dem Loga?
Mid an Stochidroht eing’speescht, oi orm und a so moger!“
„Bua, wo dia herkemmand gibb’s koa Wossa und koa Brot,
is ois vo da Sunn vabrennt – sand davug‘loffen in ihrer Not!“
„Opa – du sagst oiwei frira, frira, frira – i kus nit vasteh!
Und dass fria ois bessa wor, fie gonz vüh Leit schee!
Warum is heit ois onascht, wos is da g‘schegn?
Warum ku ma vo dem Scheen heit nimma vüh segn?“
„Ja Bua, des is a longe Gschicht und schwaar zun daklärn!
Mei Grossvata hot ma des vazöht – es is zun Rean!
Vor lauter Gier hommb d’Leit auf d‘Natur vagessen,
von Goid kust hoit nit ochabeissen – des kust nit essen!
Hommb in guating hunnascht Johr des ois vasaut,
d’Natur hig’mocht, ins eu die gonz‘ Zukunft vabaut!
Sogar wias g’sechen hommb, dass so nit geht,
hommb’s weidatu, ois versaut und weida gruacht wia bled!
Mia hommb bei ins wenigstens no a Wossa, wos nit stinkt,
vo dem da nit schlecht weascht, wonn ma’s trinkt!
Is saubled, wia kemmand mia eigentlich dazu,
dass mir des jetz ausboden miassen – ja so is des mei liewa Bua!“
Zusammenfassung
551 "nid zun Vasteh"
Gedicht Monat Jänner 2026
in Brasilien treffen sich tausende von Gscheitlöchern schon zum 30igesten Mal um heiße Luft zu verströmen - eine sehr pessimistische Reflektion
Bild KI
Type: Umwelt, traurig
Beschreibungen und Ausdrücke
"Opa, was ist das im Internet für ein Tier mit so vielen Haaren?
Es steht auf so etwas Weißem - ist das putzig! Wirklich wahr!"
"Das ist ein Eisbär, der auf dem Eis steht, das gibt es heute nicht mehr,
früher war der als Knuddeltier fast in jedem Kinderzimmer!"
"Was ist denn das auf dem Foto für ein lustiger Baum!
mit lauter Nadeln - den Stamm sieht man fast nicht mehr!"
"Ja mein lieber Bub, das ist ein Tannenbaum oder vielleicht eine Fichte,
auf dem ganz viele schöne Christbaumkugeln leuchten!"
"Na Opa, schau, was die auf dem YouTube-Video machen!
Komisch angezogen, während sie auf dem weißen Batz draußen sind!"
"Ja mein lieber Bub, Schifahren, das war eine Gaudi im weißen Schnee!"
Die Landschaft hat geglitzert und alles hat schön geglänzt!"
"Opa, was machen die ganzen Leute da in dem Lager?
Mit einem Stacheldraht eingesperrt, alle arm und auch so mager!"
"Bub, wo die herkommen gibt es kein Wasser und kein Brot,
ist alles von der Sonne verbrannt - sind weggelaufen in ihrer Not!"
"Opa - du sagst immer früher, früher, früher - ich kann das nicht verstehen!
Und dass es früher alles besser war, für ganz viele Leute schön!
Warum ist es heute alles anders, was ist geschehen?
Warum kann man von dem Schönen heute nicht mehr viel sehen?"
"Ja mein lieber Bub, das ist eine lange Geschichte und schwer zu erklären!
Mein Großvater hat mir das erzählt - es ist zum Weinen!
Vor lauter Gier haben die Leute die Natur vergessen,
vom Geld kannst du halt nicht abbeißen - das kannst du nicht essen!"
Haben in weniger als hundert Jahren das alles versaut,
die Natur kaputtgemacht, uns allen die Zukunft verbaut.
Sogar als sie gesehen haben, dass es so nicht geht,
haben sie weitergemacht, alles versaut und weiter gegiert wie blöd!
Wir haben bei uns wenigstens noch Wasser, das nicht stinkt,
von dem die nicht übel wird, wenn man es trinkt!
Ist saublöd, wie kommen wir eigentlich dazu,
dass wir das jetzt ausbaden müssen - ja, so ist das mein lieber Bub!"