Nochhoitig
Ma liest jo oiwei wieda, dass boid nix mehr’s z’lesen geit!
Drum wa die Digitalisierung a fie die reifan Johrgäng g’scheit,
a Internetzuagong in jedem Haus is fost scho Pflicht,
damit bist donn fie die digitale Zukunft oundla kricht!
Die Ratschkattl’n vo friara hoassen jetz jo Influencer!
Dia hussen nimma vo da Vorbeibonk, oda ocha durch die Fenster,
mit’n Handy in da Luft vateil’ns ea niederschwelligs Wissen,
ob des ois gscheit is? Do weascht owa nid long ummag’schissen!
Do gibb’s so vierg’eckate Plotten, in de is ois in!
Boid i mi so umschau, kimmb mia da noie Pabst in Sinn:
Spirituelle Blicke, fost scho heilig und in sich verklärt,
die Wischerei zur Religion und noien Muttagottes wead!
I wea hoid decht no mittoan miassn, ku nid daneben steh,
boids schräg auf die Senioren schaugn, des is nid schee,
mecht des owa onascht mochen, des miassat decht geh!
Wertschöpfung im Inland, Tiroia Knowhow, des waa schee!
Koa Glump aus China, wo’s wia Sklaven orweiten miassen,
oda vo die Ruacha aus Amerika, des wea ma sicha a no biassen,
ebbas wo‘s nid unendlich vüh Bledsinn eichischreibn kinna
und a nid betriag’n, i tat’s jo an liabsten fozzen dia Spinna!
Mid Hoiz, bein richtigen Zoachen g’schlogn, damit‘s nid brennt,
Fedan von der Eiderente, die jeda ois Daunen kennt,
nua bei die Straußeneier muass i an Kompromiss eigeh,
die Goggei von Nochborn send z’kloa und nid so schee!
Die Bettwäsch aus Bauernleinen, mid eigenem Flachs,
so richtig wiach, fesch, owa hoid a a bissei wax,
an dicken Bettvorleger aus reiner Schafiwoin,
damit‘s meine Bewunderer bein Hi-knian woach hom soin.
Mei Innovation lot ei zur Liebe, zum Verweilen,
ma kunnt jo spaada s’Bett mit’n Goggei teilen,
ois a wenk nett zommkriach, mit Liebe zum Detail:
Jetz hu i mei Ei-Bett, richtig bärig – i find des geil!
Zusammenfassung
552 "Nochhoitig"
Gedicht Monat Jänner 2026
Gedanken bei der Beobachtung des digitalen Schwachsinns - habe mir mein nachhaltiges "iPAD" gebastelt
Type: witzig
Beschreibungen und Ausdrücke
Man liest ja immer wieder, dass es bald nichts mehr zu lesen gibt!
Darum wäre die Digitalisierung auch für reife Jahrgänge gescheit,
ein Internetzugang in jedem Haus ist fast schon Pflicht,
damit bist du dann für die digitale Zukunft gut gerüstet!
Die Tratschtanten von früher heißen jetzt ja Influencer!
Die schimpfen nicht mehr von der Hausbank, oder herunter vom Fenster,
mit dem Handy in der Luft verteilen sie ihr niederschwelliges Wissen,
ob das alles gescheit ist? Da wird aber nicht lange herumdiskutiert!
Da gibt es so viereckige Platten, in denen ist alles drinnen!
Wenn ich mich so umschaue, kommt mir der neue Papst in den Sinn:
Spirituelle Blicke, fast schon heilig und in sich verklärt,
die Wischerei zur Religion und neuen Muttergottes wird!
Ich werde halt doch mitmachen müssen, kann nicht daneben stehen,
wenn sie schräg auf die Senioren schauen, das ist nicht schön,
möchte das aber anders machen, das müsste doch gehen!
Wertschöpfung im Inland, Tiroler Knowhow, das wäre schön!
Kein Ramsch aus China, wo sie wie Sklaven arbeiten müssen,
oder von den Geldschefflern aus Amerika, das werden wir sicher auch noch büßen,
etwas wo sie nicht unendlich viel Blödsinn hineinschreiben können
und auch nicht betrügen, ich würde sie ja am liebsten ohrfeigen diese Spinner!
Mit Holz, beim richtigen Zeichen geschlagen, damit es nicht brennt,
Federn von der Eiderente, die jeder als Daunen kennt,
nur bei den Straußeneiern muss ich Kompromisse eingehen,
die Eier vom Nachbarn sind zu klein und nicht so schön!
Die Bettwäsche aus Bauernleinen, mit eigenem Flachs,
so richtig rustikal, fest, aber halt ein bisschen rau,
einen dicken Bettvorleger aus reiner Schafwolle,
damit es meine Bewunderer beim Hinknieen weich haben sollen.
Meine Innovation lädt ein zur Liebe, zum Verweilen,
man könnte ja später das Bett mit dem Ei teilen,
alles nett zusammengestellt, mit Liebe zu Detail:
Jetzt habe ich mein Ei-Bett, richtig toll - ich finde das geil!