oa Platzl, oa Schatzl
Im Fernsehen bringan’s scheene Bericht,
vo di Seen und di Berg, dazua iwaroi a G’schicht,
vo scheene Platzl’n, an denen’s bei ins nid feit,
so sech ma, wo’s in ondan Bundeslända geit.
„Neun Plätze, neun Schätze“ des is da Nom,
kinnand stoiz sei, dass ma so vüh scheene Platzl hom,
mia kinnand glücklich und z’friedn sei in insa Lond,
des wissen a die Fremb’n, mid eanare Handy in da Hond!
Bei da Entscheidung tua i mia hoit woitan schwaar!
Woo’s vo de scheen Platz da scheenste waa!
Vüh leichter tua i mia dabei, wei des is g’wies,
woo’s fie mi des oane Platzl und oane Schatzl is:
I moch d’Haustür auf, oda fohr a kloas Drimmi
und scho moan i, i bi im Paradies, bi im Himmi!
Die Bachei, die Wegei, da ruhige sauware Woid,
des is, wo’s mia bei ins do a so guad g’foid!
Boidst am Wüdseeloder bein See zuachi sitzt,
oder a wenk auffigehst und a Wossafoi spritzt,
mid’n Radl a Runde um an Pillasee drahst,
donn host’s Gfüh, dass im Paradies g’lond waast!
Entlong an Koasa, oda eichi ins Koasabochtoi,
majestätisch, mächtig, i sog’s no amoi:
I brauch nua oa Platzl, oa Schatzl, genau wo i bi,
do bi i dahoam, do is schee, do kea i hi!
A Jausn im Rucksock, ebbas guads zun Trinken,
bei oana Hitten ei‘kean, do kust in die Traam vasinken,
Leit woos no griassen, Kinda, die in die Bachei spühn,
des is vüh weascht, do kust no die Hoamat fühn!
Pass ma a wenk auf, dass des aso bleib,
ins nid die Gier wia wo onascht ins Chaos treib,
dass ma insare Kinda die Woit genau so iwagebn,
sie soidn a weida in so an Paradies bei ins leben!
Zusammenfassung
550 oa Platzl, oa Schatzl
Gedicht Monat November 2025
die Bilder im Fernsehen sind ja wunderschön, ich habe da eine andere Lösung
Type: nett
Beschreibungen und Ausdrücke
Im Fernsehen bringen sie schöne Berichte,
von den Seen und den Bergen, dazu überall eine Geschichte,
von schönen Plätzen, an denen es bei uns nicht fehlt,
da sehen wir, was es in den anderen Bundesländern gibt.
"Neu Plätze, neun Schätze" das ist der Name,
können stolz sein, dass wir so viele schöne Plätze haben,
wir können glücklich und zufrieden sein in unserem Land,
das wissen auch die Gäste, mir ihren Handys in der Hand!
Bei der Entscheidung tue ich mich sehr schwer!
Was von den schönen Plätzen der schönste wäre!
Viel leichter tue ich mir dabei, weil das ist sicher,
was für mich das eine Platzl und eine Schatzl ist:
Ich mache die Haustüre auf, oder fahre eine kleine Strecke
und schon glaube ich, ich bin im Paradies, im Himmel!
Die Bächlein, die Wege, da ruhige saubere Wald,
das ist, was mir bei uns da so gut gefällt!
Wenn du am Wildseeloder beim See sitzt,
oder ein wenig hinausgehst und ein Wasserfall spritzt,
mit dem Rad eine Runde um den Pillersee drehst,
dann hast du das Gefühl, dass du im Paradies gelandet wärst!
Entlang des Kaisers, oder hinein ins Kaiserbachtal,
majestätisch, mächtig, ich sage es noch einmal:
Ich brauche nur ein Platzl, ein Schatzl, genau wo ich bin,
da bin ich zu Hause, da ist es schön, da gehöre ich hin!
Eine Jause im Rucksack, etwas gutes zum Trinken,
bei eine Hütte einkehren, da kannst du in den Träumen versinken,
Leute die noch grüßen, Kinder, die in den Bächen spielen,
das ist viel wert, da kannst noch die Heimat fühlen!
Passen wir ein wenig auf, dass es so bleibt,
uns nicht die Gier wie woanders ins Chaos treibt,
dass wir unseren Kindern die Welt genau so übergeben,
sie sollen auch weiter in so einem Paradies bei uns leben!