Reim
A diam amoi denk i a wenk noch, denk an mei Leben,
krod so im Herbst, ku jo koa scheenare Zeit dafie geben,
die Baam so bunt, womigla vou ins a See,
es is komplett stad, boid i mid dir davou steh!
Glick ku ma ja eascht im Rückblick erkenna!
Es geht ja nid um Momente – es is vüh scheena,
wennst a längane Zeit vom Leben betrochtst
und dir dann so deine Gedanken mochst.
Oft is ja so, dass’d moast, es geht nimma weida,
denkst, boid’s aus waa, waa’s vielleicht gscheida,
bis da Zuafoi wüh, dass ebba in dein Leben kimmb,
der vo dosch weck dein gonze Weg bestimmb.
Wennst do den Reim host, dass’d da traust
und nid long iwaleggst, nua auf’n Moment hischaust,
des Wagnis ei’gehst, oafach dei Heaschz herschenkst,
nid long Vor- und Nachteile prüfst und nid long denkst,
di gonz aufmochst, ois zualosst wos kimmb,
– host in da Liab eh koa Zeit, zun prüfen wo’s stimmb -,
dass des tuast, wo’s dei Soi flüstert, nid wos Hian schreit,
nocha nimmb s’Glick an U’lauf, is woi des Scheenste wos geit!
Donn ku’s sei, dass s’Leben a noie Richtung nimmb
und auf oamoi ois wost tuast guad lafft und stimmb!
Is guad, wennst da Zeit nimmbst und a wenk trochst
und dia gonz bewußt amoi driwa Gedonken mochst.
I ja nid soibstvaständlich – boids guad is – muast donkbor sei!
Boidst nocha nua ummiglonga kust zu dein Glick is fei,
nimm’s her, druck’s zuacha und schau ihr in d’Augn
derfst sicha wieder amoi in die Soi eichischaugn.
Zusammenfassung
430 Reim (Glück)
Gedicht November 2020
ein dankbarer Rückblick
Type: Liebesgedicht
Beschreibungen und Ausdrücke
Manchmal denke ich ein wenig nach, denke an mein Leben,
gerade so im Herbst, kann ja keine schönere Zeit dafür geben,
die Bäume so bunt, womöglich vor uns ein See,
es ist komplett ruhig, wenn ich mit dir davor stehe!
Glück kann man erst im Rückblick erkennen!
Es geht ja nicht um Momente - es ist viel schöner,
wenn du eine längere Zeit vom Leben betrachtest
und dir dann so deine Gedanken machst.
Oft ist es ja so, dass du meinst, es geht nicht mehr weiter,
denkst, wenn es aus wäre, wäre es vielleicht gescheiter,
bis es der Zufall will, dass jemand in dein Leben kommt,
der von da weg deinen ganzen Weg bestimmt.
Wenn du da Glück hast, dass du dir traust
und nicht lange überlegst, nur auf den Moment hinschaust,
das Wagnis eingehst, einfach dei Herz herschenkst,
nicht lange Vor- und Nachteile prüfts und nicht lange denkst,
dich ganz aufmachst, alles zulässt was kommt,
- hast in der Liebe eh keine Zeit zu prüfen was stimmt -,
dass du das tust, was deine Seele flüstert, nicht was das Hirn schreit,
dann nimmt das Glück einen Anlauf, ist wohl das Schönste was es gibt!
Dann kann es sein, dass das Leben eine neue Richtung nimmt
und auf einmal alles was du tust gut läuft und stimmt!
Ist gut, wenn du dir Zeit nimmst und ein wenig nachdenkst
und dir ganz bewußt einmal darüber Gedanken machst.
Ist ja nicht selbstverständlich - wenn es gut ist - musst du dankbar sein!
Wenn du dann nur hinübergreifen kannst zu deinem Glück ist es fein,
nehme sie her, drücke sie zu dire und schau ihr in die Augen
darfst sicher wieder einmal in die Seele hineinschauen.