An Fernseher und a de Zeitungen fi d‘Weiberleit
sicht ma, was in der Hei Soseiti Nois geit –
und fost iwaroi muas a roada Teppich sei,
a wenk aufgeigen, kimmb mia vie, is fei!

Die Weiberleit send ja meist recht schee,
sist wuscht’ns ja nit iwan roadn Teppich gee!
Doscht und da a wenk aufspritzt und nit ois echt,
owa wann’s ea so taug, mia is ois krecht.

Es foid scho auf, boid ma genau schaug,
dass des vü, vü ötere Mannaleit guat taug!
Dafi, dass die Scheen mit eana iwan roatnTeppich spaziern,
miassn’s vermutlich des toire Dianei finanziern.

Ob des in jeden Foi funktioniert, scheint ma nit gwies,
a wonn i davu a de Zeidungen nit vü lies!
A bissei Was geht sicher mit vü Wühn –
aber es is hoit hoscht, mit da Springschnur Billard zun spühn.