Die Bescherung is long vorbei,
es wor fie oi zwoa a Kloanigkeit dabei,
seid die Kinda nimma dahoam send, is recht stad,
die Bescherung und s’Weihnachtsessen wor’n nit z’spad.

Da Duft vom Tonnabam und Weihrauch ziacht durch’s Haus,
die Keschzn und die Sternspritzer send scho aus,
sie sitzen in da Stubn, da Fernseher lafft nebenbei,
da Kachiofen warmb – es dunkt ea fei.

Unta da Stiang steht a Schaukipferd aus Hoiz,
des Gschenk wor domois an Buam sein gonza Stoiz:
„Woast no, die Gaudi de da Bua khobb hod?
Die Zeit is so schnoi vagonga – es is so schod!“

Iwa’s Schaukipferd kemmands a so ins Rehn,
wia lustig dass es khobb hommb, es is so friedlich gwehn – 
es wor a netta Obend und wia die zwoa donn schloffen gehn’d
ku ma richtig segn, dass oi zwoa glücklich sen‘d.

I winsch da, dass’d a so a Schaukipferd host
und so a Gschicht dahinter, die Dia dalabb, dass’s d’Schuitan foin lost,
die zruckloanst und Zufriedenheit in Dein Heaschz einkeaschd
und dass fie Die so richtig Weihnachten weaschd!