Jeden Tog send die Zeidung mit Grauslichkeiten g’füt,
vo insra Politika kriang ma oiwa no a schlechtas Büd!
Johrelang geht’s jetz scho so dahi
und weascht a nit bessa, kimmb ma fie!

Owa nit nur, dass nix weidageht!
Um Millionen fie ea soim Marketing mochen find i bled!
Es weascht Zeit, dass si do wos tuat,
amoi a wenk auframa war hoit guat!

Den Bledsinn kunnt ma jo mit dem vagleichen,
dass, wenn insre Schispringa bein Springa nix erreichen,
sie stod mehr trainiern mehr Steiergoid valongand
und fie d‘ hoasse Luft a no zun Werben u’fongand.

Womigla no a Berater mit an Vorschlag kimmb,
damit die Leit monand dass die Leistung stimmb:
Der rot, dass bein Springa s‘Hosentürl offen trogen kheascht,
weil da Stiel jo extra bewertet weascht!