Schneitztiachi
Bein Schneitzen is frira recht rogga zuagonga!
Drum mecht i mei Gschicht mit an Spruch u’fonga:
„Die Bauern send boids rotzig send gonz keck
und schneitzen den Rotz mid an Bauanschneitzer weck!“
Spaada ummi send die Schneitztiachi aufkemma.
Die ku ma fie ois Megliche hernemma:
Tränen o’wischen, boid’s nid so guad lafft,
owa a vor Freid, boid ma woos guad schafft!
Aus Baumwoin, gonz lind und zun U’greifen fei,
adiam bunt, schee begglt, gonz woach soid‘ns sei,
damit’s nid neifft, boidst des Gsicht owischt,
oda boid da z’hoaß is, die Stian erfrischt.
A schnoia Wischer, boid ma an Tisch u’potzt,
an Lippenstift o’wischen, boid’s richtig schmotzt,
zun Nochiwinken, boid ma si trenna muaß,
oda oafach amoi fie’n Nochborn an netten Gruaß.
Dia scheen Schneiztiachi send komplett o’kemma,
wei oi nua mehr die Tempo-Toschentiachi nemma,
send jo gfiarig, hernemma, brauxt nix mehr woschen,
host koan Rotz und koane Nosenprinzen in da Toschen,
kust, boidst dringend weascht, an Woid eichizischen
und dia damit sogor den Osch auswischen!
Oamoi g’fiarig, zommwutzeln, an Mullkiwi damit,
nix woschen, beggeln, foiten, des brauchst ois nid!
I moa, i häd mid dir mei große Liebe g’funten!
Waa schee, boid ma midnond durchs Leben gehen kunnten!
Nua oas – um des bitt i gonz sakrisch – des waa fei:
I mecht in dein Leben nid nua a Tempo-Taschentiachi sei!
Zusammenfassung
488 Schneitztiachi
Gedicht Monat April 2023
Gedanken beim Heiratsantrag
Type: nachdenklich
Beschreibungen und Ausdrücke
Beim Schnäuzen ist es früher ziemlich rustikal zugegangen!
Darum möchte ich meine Geschichte mit einem Spruch beginnen:
"Die Bauern waren, wenn sie rotzig waren, ganz keck
und schnäuzen den Rotz mit einem Bauernschnäuzer weg!"
Später sind dann die Taschentücher aufgekommen.
Die kann man zu allem Möglichen verwenden:
Tränen abwischen, wenn es einmal nicht so gut läuft,
aber auch vor Freude, wenn man etwas gut schafft!
Aus Baumwolle, ganz zart und zum Angreifen fein,
manchmal bunt, schön gebügelt, ganz weich sollen sie sein,
damit es nicht reibt, wenn du das Gesicht abwischt,
oder wenn dir zu heiß ist, die Stirne erfrischt.
Ein schneller Wischer, wenn man den Tisch anpatzt,
den Lippenstift abwischen, wenn es einmal richtig schmatzt,
zum Nachwinken, wenn man sich trennen muss,
oder einfach einmal für den Nachbarn einen netten Gruß.
Die schönen Taschentücher sind komplett aus der Mode gekommen,
weil alle nur mehr die Tempo-Taschentücher nehmen,
sind ja praktisch, hernehmen, brauchst nichts mehr waschen,
hast keinen Rotz und keine Nasenrammel in den Taschen,
kannst, wenn es dringend wird, in den Wald hineinzischen
und dir damit sogar den Hintern auswischen!
Einmal praktisch, zusammenknüllen, in den Mullkübel damit,
nicht waschen, bügeln, falten, das brauchst du alles nicht!
Ich glaube, ich hätte mir dir meine große Liebe gefunden!
Wäre schön, wenn wir miteinander durch das Leben gehen könnten!
Nur eines - um das bitte ich dich inständig - das wäre fein:
Ich möchte in deinem Leben nicht nur ein Tempo-Taschentuch sein!