In Kitzbühel stehn’d an Summa
beim Oldtimerfest die oidn Auto umma.
Da geh i adiam hin, des tuat ma taugn
und mecht ma gern die oidn Grattn uschaugn.

Verscht bleib i bei an gonz Oidn steh,
so oan mit Kotflügel bis zun Trittbrett – der is scheh!
Frisch gwaschn und gschniegelt, dass di Sunn grod so blend,
i foahr langsam übern Kotflügel mit de Händ.

Der worme Stoih, des runde Gfüh
irgendwie kimmb in mein Denken mei Frau ins Spüh.
in Gedanken verloren foahr i mit da Hand hin und her
und siech rundumadum die ganzen Leit nimmamehr.

Is krad aso wia wann’st von Kreitz foscht nach unt –
wo’s ja erscht so richtig bärig wean kunnt.
Owa a voan – vo da Koi bis zun Fuaß -,
wo i bein Streichin über Berg und Toi muaß.

Aufoamoi schreck’ i auf – die Leit moan’d i bi bled,
weis’si si hinter mir staut und nix mehr weida geht.
Ruck a wenk auf’d Seit, mecht aber an Fadn nit verlian,
tat weida gern die scheen Gedanken spian.

Geht aber schwar, wei die Leit a so schupfen
und um die oidn Gratten ummahupfen.
bein Weckgeh red i an Besitzer u
und sog eam, dass i decht des scheenere Hobby hu!