spaade Liab
Di Lisi und da Sepp send scho gonz long zomm,
schaug’n im Bett Fernsehen, den’s vo di Kinda kriag homm,
noch an Tog mid’n Gaschtl’n is des owa nid zun schoffen,
die Lisi is miad und scho eha beim Ummischloffen.
Do g’spiascht’s, dass das Sepp gonz zärtlich ummag’longg!
Woos is do los, dass jetzt auf oamoi zun schmirm u’fong?
Sei Hond gonz fein untan G‘nagg durchschiam prowiascht,
dawei’s die onadare Hond entlong da Hüften g’spiascht!
Woos is do onascht? Homma heit woos g’feit’s g‘ess’n?
Dass da Sepp so zärtlich sei ku, hot’s scho fost vagessen!
Do! Jetzt stroaf’d die Hond an Busen, des Knia mid’n Orm,
ihr weascht gonz onasch, ihr weasch gonz worm!
Jetz draht a si no umma, sie g’spieschd sein Bauch,
krod nid rian, genießen, stad sei, des waa jetz schlauch,
jetz wuselt er mid da oan Hond unta’m Knia, mei is des fei!
Die onare Hond stiedl’d unta’m Hintern drei.
Dawei’s g’woscht, wiara iwa die Owaschenki auffakimmb
und sie mid da onan Hond fest unta die Eaxn nimmb,
denkt sie si, i hoff er merkt des nid, owa jetz is eh scho z’spat!
I hu mei Eascht’l unt umma scho long nimma richtig g’maht!
Mei is des fei, gonz vorsichtig tuat si ihre Knia vanond,
do stiedl’d a a scho auf da Innaseiten ummanond,
sie ku si nid hoit’n, dass ihr a Ochitza auskimmb!
Do gwosch’z, wira a si ummidraht und die Händ wecknimmb!
„Geh Schatzi, woo is jetz, warum hearst denn jetz auf oamoi auf?
Woos is mid an Finale, waa wieda amoi schee, i wortat drauf!“
Da Sepp schaugg ummi – is a wenk erstaunt und irritiascht,
wira die Enttäuschung von seiner geliebten Lisi g’spiascht:
„Endlich hu zwischen deine Fiaß die Fernbedienung g’funt‘n!
Damit ma vo dem depperten Tatort umschoit’n kunnt’n,
des dustare Leitumbringa interessiascht mi iwahaup nid,
do schau i liawa den Fuaßboischloger Austria gegen Rapid!“
Zusammenfassung
539 spaade Liab
Gedicht Monat Juni 2025
Ein Missverständis
Type: witzig
Beschreibungen und Ausdrücke
Die Lisi und da Sepp sind schon ganz lange zusammen,
schauen im Bett Fernsehen, den sie von den Kindern bekommen haben,
nach einem Tag mit Gartenarbeit ist das aber nicht zu schaffen,
die Lisi ist müde und schon eher beim Hinüberschlafen.
Da spürt sie, dass der Sepp ganz zärtlich herübergreift!
Was ist los, dass er auf einmal zum zärtlich sein anfängt?
Seine Hand ganz fein unterm Genick durchschieben probiert,
während sie die andere Hand entlang der Hüfte spürt!
Was ist da anders? Haben sie heute etwas falsches gegessen?
Dass der Sepp so zärtlich sein kann, hat sie fast schon vergessen!
Da! Jetzt streift die Hand den Busen, das Knie mit dem Arm,
ihr wird ganz komisch, ihr wird ganz warm!
Jetzt dreht er sich auch noch herüber, sie spürt seinen Bauch,
nur nicht bewegen, genießen, still sein, das wäre jetzt schlau,
jetzt wuselt er mit der anderen Hand unter dem Knie, das ist so fein!
Die andere Hand stochert unter dem Hintern drunter.
Während sie merkt, wie er über den Oberschenkel heraufkommt
und sie mit der anderen Hand fest unter den Achseln nimmt,
denkt sie sich, ich hoffe er merkt das nicht - aber jetzt ist es ohnehin zu spät!
Ich habe meinen Rasen unten herum schon lange nicht mehr richtig gemäht!
Das ist so fein, ganz vorsichtig gibt sie ihre Knie auseinander,
da greift er auch schon an der Innenseite herum,
sie kann sich nicht halten, dass ihr ein Ächzen auskommt!
Da merkt sie, wie er sich hinüberdreht und die Hände wecknimmt!
"Geh Schatzi, was ist jetzt, warum hörst du denn jetzt auf einmal auf?
Was ist mit dem Finale, wäre wieder einmal schön, ich würde darauf warten!"
Der Sepp schaut hinüber - ist ein wenig erstaunt und irritiert,
wie er die Enttäuschung von seiner geliebten Lisi spürt:
"Endlich habe ich zwischen deinen Füßen die Fernbedienung gefunden!
Damit wir endlich von dem depperten Tatort umschalten könnten,
das düstere Leuteumbringen interessiert mich überhaupt nicht,
da schaue ich schon lieber den Fußballschlager Austria gegen Rapid!"