s’Wunda
Do liggst jetz, krod amoi a poor Tog oid,
woasst no nid, wia guad dass des dem Opa g’foid!
So kloa, so u’schuidig, die g‘stiaschten Eigei zua,
trau mi fost nid zu dia zuichi, mei liawa Bua!
Die Handei, des Kepfei, dia Fingal so kloa,
gibb woi nix Scheenas wia i hoid moa!
A Wunda is do in Bauch in entstonden,
ois is in absoluter Perfektion vorhonden!
Zwoa Zellen hommb si in da Liab vabunden,
ma vasteh nid, wia si dia so entwickin kunnten,
a bissei woos von Papa, vo da Mama no dazu
und jetz nuggelst am Busen mei liawa Bua!
Trau mi gornid higreifen, mecht krod schauen!
Hu vor lauta Glick direkt die Pipi in die Aug’n!
Nett a bissei iwa die kloan Haarei foh’n,
i hoff, du kust die ganze Liab vom Opa g’wohn!
Boid amoi kimm ma ins in die Aug’n schaun,
do weascht si da Opa a wenk knuddeln traun,
mei gonze Liab weascht wia a Leffei Honig rinna,
wea durch die Eigei in dein kloane Soih schauen kinna.
I g’frei mi scho auf’s happan und auf’s Flaschei geben,
dass i a wenk teilhoben derf an dein kloan Leben,
mid dir lochen, di tresten, mid dir a wenk bledl’n,
des waa’s wo’s i ma winschat, um des tat i gean bedl’n!
Mecht gean mid dia Radlfohn, Büdabiachei schauen,
oda oafoch amoi a wenk Matador und Lego bauen,
i zoag da nocha insa Berg, die Bleami und die Baam,
des waa’nd hoid a Opa seine großen Traam.
Kimm, oamoi mecht i no iwa dein zorten Wangei fohn,
soidst no amoi die gonze Liab von Opa g’won!
Pfah! Host jetzt krod ummableangitzt, a wenk g’locht?
Jetz häd do Opa vor Freid fost in d’Hosn g’mocht!
Zusammenfassung
555 s'Wunda
Gedicht Monat März 2026
ein Liebesgedicht vom Opa an sein Enkel - geboren im Jänner 2026
das Bild habe ich mit meinem Enkel Raphael (4) gemalt - das wäre halt der Traum, das auch mit Michales zu machen
Type: Liebesgedicht
Beschreibungen und Ausdrücke
Da liegst du jetzt, gerade einmal ein paar Tage alt,
weißt noch nicht, wie gut das dem Opa gefällt!
So klein, so unschuldig, die netten Augen zu,
traue mich fast nicht zu dir hin, mein lieber Bub!
Die Händchen, das Köpfchen, die Fingerlein so klein,
es gibt wohl nichts Schöneres wie ich halt meine!
Ein Wunder ist da im Bauch drinnen entstanden,
alles ist in absoluter Perfektion vorhanden!
Zwei Zellen haben sich in der Liebe verbunden,
man versteht nicht, wie sie sich so entwickeln konnten,
ein wenig was von Papa, von der Mama noch dazu
und jetzt trinkst du am Busen mein lieber Bub.
Ich traue mich gar nicht hin greifen, möchte nur schauen!
Habe vor lauter Glück direkt Tränen in den Augen!
Nur ein wenig über die kleinen Haare fahren,
ich hoffe, du kannst die ganze Liebe vom Opa spüren!
Bald einmal können wir uns in die Augen schauen,
da wird sich der Opa ein wenig knuddeln trauen,
meine ganze Liebe wird wie ein Löffel Honig fließen,
werde durch die Augen in deinen kleine Seele schauen können.
Ich freue mich schon auf das halten und auf das Flasche geben,
dass ich ein wenig teilhaben darf an deinem kleinen Leben,
mit dir lachen, dich trösten, mit dir ein wenig blödeln,
das wäre, was ich mir wünschen würde, um das würde ich gerne bitten!
Möchte gerne mit dir Rad fahren, Bilderbücher schauen,
oder einfach einmal ein wenig Matador und Lego bauen,
ich zeige dir dann unsere Berge, die Blumen und die Bäume,
das wäre halt von Opa der große Traum.
Komm, einmal möchte ich noch über deine zarten Wangen fahren,
sollst noch einmal die ganze Liebe vom Opa spüren!
Pfah! Hast jetzt gerade zu mir geblinzelt, ein wenig gelacht?
Jetz hätte der Opa vor Freude fast in die Hose gemacht!